Crime News: गांजा, सिगारेट, दारू प्यायला पैसे नव्हते म्हणून मोबाईल चोरणाऱ्याला बीड पोलिसांनी अटक केली आहे. शेख फिरोज शेख सादेख असे पकडलेल्या आरोपीचे नाव आहे. लहान मुलांना धमकावून मोबाईल हिसकावून घेण्याचा आरोप त्याच्यावर लावण्यात आला आहे. आरोपीला अटक केल्यानंतर ही धक्कादायक माहिती समोर आली आहे. (Latest Marathi Update)
याबाबत समोर आलेल्या माहितीनुसार, ज्ञानदीप बालासाहेब तोंडे (वय 15) हा अल्पवयीन मुलगा आपल्या मित्रांसोबत बीड शहरातील खासबाग परिसरात खेळत होता. याचवेळी फिरोज त्याठिकाणी आला. यावेळी आजूबाजूला कोणी नसल्याची संधी साधून तो ज्ञानदीप जवळ जावून मी पोलीस असून तुझा मोबाईल माझ्याकडे दे, अशी मागणी त्या मुलाला केली. तसेच उद्या शिवाजीनगर पोलीस ठाण्यातून घेऊन जा, असे सांगून मोबाईल हिसकावला.
परंतू ज्ञानदीपने त्याचा पाठलाग केला. यावेळी आरोपी फिरोज शेख सादेखने त्याला मारहाण केली. तसेच मागे येत असल्याने त्याला दगड फेकून मारले व पळून गेला. मात्र त्यानंतर बीड शहर पोलिसांनी अवघ्या 24 तासांत याचा छडा लावून गांजा ओढत असताना चोरट्याला बेड्या ठोकल्या आहेत. या धक्कादायक प्रकारानंतर परिसरात भितीचे वातावरण पसरले आहे. (Beed News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
