Latur News: मामाच्या गावाला राहण्यासाठी आलेल्या अल्पवयीन मुलीला अज्ञात व्यक्तीने पळवून नेल्याची धक्कादायक घटना समोर आली आहे. ही घटना औसा तालुक्यातील मौजे वडजी येथे हा खळबळजनक प्रकार समोर आला आहे. याबद्दल मुलीच्या आईने भादा पोलीस ठाण्यात तक्रार दिली आहे. आता पोलिस या घटनेचा अधिक तपास करत आहेत. (Latest Marathi News)
याबाबत समोर आलेल्या माहितीनुसार, पीडित अल्पवयीन मुलगी ही गेल्या वीस दिवसांपासून मामाच्या गावी औसा तालुक्यातील वडजी येथे राहण्यासाठी आली होती. मामाच्या गावी असताना ती अधून मधून तिच्या आईला फोन करुन बोलत असे. मात्र अचानक नातेवाईकांनी त्यांची मुलगी सापडत नसल्याचे सांगितले.
सायंकाळी सात वाजल्यापासून ही मुलगी कुठे गेली आहे माहीत नाही, ती सापडत नाही, अशी माहिती त्यांनी मुलीच्या आईला फोन करुन दिली. ज्यानंतर सर्वांनाच धक्का बसला. मुलीच्या नातेवाईकांनी तिची शोधाशोध सुरू करत सर्वत्र तपास घेतला. परंतु ती कोठेही सापडली नाही.
अज्ञाताविरोधात गुन्हा दाखल...
दरम्यान, या प्रकरणाची तक्रार भादा पोलीस ठाण्यात करण्यात आली आहे. तक्रारीनुसार अज्ञात व्यक्तीविरुद्ध पोलिसांनी गुन्हा दाखल केला आहे. याबाबतचा अधिक तपास सध्या पोलिस करत आहेत. (Akola News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
