Washim Crime News: पैशांपुढे नातं हरलं! पैसे न दिल्याने मुलाकडून वृद्ध वडिलांची हत्या

Washim Crime News: संजय आत्माराम मुंढे असं या आरोपी मुलाचे नाव आहे.
Crime Scene
Crime Scenesaam tv

मनोज जयस्वाल

Washim News : पैशांसाठी मुलानेच वडिलांची हत्या केल्याची धक्कादायक घटना समोर आली आहे. वाशिम जिल्ह्यातील रिसोड तालुक्यातील पिंपरखेड येथे ही घटना घडली आहे. पोलिसांनी आरोपी मुलाला याप्रकरणी अटक केली आहे.

संजय आत्माराम मुंढे असं या आरोपी मुलाचे नाव आहे. तर आत्माराम धोंडू मुंढे (वय 70 वर्ष) असं मृत वडिलांचे नाव आहे. याबाबत मृतकाचा भाऊ रामकिसन मुंढे यांनी पोलिसात तक्रार नोंदवली आहे.

रामकिसन मुंढे यांनी दिलेल्या फिर्यादीत म्हटले आहे की, त्यांचा भाऊ आत्माराम हे गेल्या दहा वर्षांपासून रिसोड तालुक्यातील पिंपरखेड, वाडी वाकद, वाकद,बोरखेडी येथील भगवानबाबा संस्थानमध्ये पूजाअर्चा करत होते. मृताचा मुलगा संजय हा वडिलांकडे नेहमी पैशाची मागणी करत होता.  (Crime News)

पैशाची मागणी पूर्ण न केल्यास जीवे मारण्याची धमकी द्यायचा. 15 मे रोजी पुन्हा पिता-पुत्रांमध्ये पैशाच्या कारणावरून वाद झाला. मात्र, मृताच्या बहिणीने संजयची समजूत घातल्यानंतर त्याला तेथून काढून दिले होते. (Latest Marathi News)

Crime Scene
Mumbai Crime News: आरोपींनी डोकं लावलं पण अधिकाऱ्यांनी विमातळावर अडवलं; DRIने 2.23 कोटींचं सोनं केलं जप्त

मात्र पैसे न दिल्याचा राग मनात ठेऊन संजयने 15 मे रोजी रात्री धारदार शस्त्राने वडिलांची निर्दयीपणे हत्या केली. याबाबतची माहिती पोलिसांना दिल्यानंतर आरोपी संजय मुंढे याला अटक करण्यात आली आहे. पोलीस अधिक तपास पोलीस करत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com