आदित्य ठाकरेंच्या अयोध्या दौऱ्याच्या पार्श्वभूमीवर मनसेची टीका

सेटिंग करून दौरा आणि हिम्मत असणं यातला फरक आहे
आदित्य ठाकरेंच्या अयोध्या दौऱ्याच्या पार्श्वभूमीवर मनसेची टीका
MNS on Aditya Thackeray, Aditya Thackeray Ayodhya VisitSaam TV

मुंबई - पर्यावरण मंत्री आदित्य ठाकरे (Aditya Thackeray) आज अयोध्या दौऱ्यावर आहेत. आदित्य ठाकरे यांच्या स्वागतासाठी शिवसेनेकडून (Shivsena) जय्यत तयारी करण्यात आली आहे. आज सकाळी 11 वाजण्याच्या सुमारास आदित्य ठाकरे हे लखनऊ विमानतळावर दाखल होणार आहेत. दरम्यान, आता आदित्य ठाकरेंच्या अयोध्या दौऱ्यावरुन मनसे नेत्यांनी त्यांना टोला लगावला आहे. (Aditya Thackeray Ayodhya Visit)

मनसे नेते संदीप देशपांडे (Sandeep Deshpande) यांनी आदित्य ठाकरेंच्या अयोध्या दौऱ्यावरुन ट्वीट करत टीका केली आहे. संदीप देशपांडे ट्वीटमध्ये करत म्हणले की, आज एक जुनी गोष्ट आठवली जेंव्हा राणे साहेबांनी शिवसेना सोडली होती तेव्हा पोटनिवडणुकीत आज अयोध्येत असलेले सगळे शिवसेनेचे नेते शेपूट घालून बसले होते. काही जण तर घरी बसून लॉलीपॉपचा त्या वेळी आस्वाद घेत असतील. फक्त राजसाहेबच तिथे प्रचार करत होते. सेटिंग करून दौरा आणि हिम्मत असणं यातला फरक आहे.

आदित्य ठाकरे यांच्या अयोध्या दौऱ्यासाठी महाराष्ट्रातून १० ते १२ हजार शिवसैनिक अयोध्येत दाखल झाले आहेत. शहरात ठिकठिकाणी आदित्य ठाकरेंच्या दौऱ्याचे पोस्टर्स आणि भगवे झेंडे लावण्यात आले आहे. शरयू तीरावर शिवसैनिकांचे जत्थे जमायला सुरुवात झाली आहे. आदित्य ठाकरे यांच्या हस्ते होणाऱ्या महाआरतीची तयारी जवळपास पूर्ण झाली आहे.

MNS on Aditya Thackeray, Aditya Thackeray Ayodhya Visit
सोन्याची अंगठी मागितली म्हणून प्रियकरानं आवळला प्रेयसीचा गळा; सांगलीतील धक्कादायक घटना

दरम्यान, दोन दिवसांपूर्वीच शिवसेना नेते खासदार संजय राऊत यांच्यासह काही नेते आणि पदाधिकारी अयोध्येत दाखल झाले आहेत. स्थानिक शिवसेना नेत्यांकडून आदित्य यांच्या दौऱ्याची तयारी केली जात आहे. हा दौरा राजकीय नसून श्रद्धेचा असल्याचे त्यांनी याआधी म्हटले होते. याआधी आदित्य ठाकरे यांचा अयोध्या दौरा10 जूनला निश्चित करण्यात आला होता. पण राज्यसभा निवडणुकीच्या पार्श्वभूमीवर अयोध्या दौऱ्याची तारीख बदलून 15 जून करण्यात आली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com