चंद्रपूर : पोलिसांना चकवा देत तलावात मारली उडी, आरोपीनं केला आत्महत्येचा प्रयत्न

चंद्रपूर :  पोलिसांना चकवा देत तलावात मारली उडी, आरोपीनं केला आत्महत्येचा प्रयत्न
Crime News UpdatesSaam Tv

चंद्रपूर : जिल्ह्यातील राजुरा पोलीस स्टेशनमध्ये (Rajura police station) एक धक्कादायक प्रकार उघडकीस आला आहे. एका लाचखोर पोलिसानं गस्त घातलेल्या पोलिसांना चकवा देत पळ काढला. त्यानंतर त्या आरोपी पोलिसानं नगरपरिषदेच्या समोरील तलावात उडी मारुन (suicide attempt) आत्महत्येचा प्रयत्न केला. राजेश त्रिकोलवार असं आरोपीचं नाव आहे. त्यानंतर एका पोलीस अधिकाऱ्याने तलावात जाऊन आरोपी राजेशला बाहेर काढल्याने त्याचा जीव वाचला. या संपूर्ण घडामोडीमुळं परिसरात एकच खळबळ उडाली आहे. या घटनेमुळं लाचलुचपत प्रतिबंधक विभाग (ACB) व स्थानिक पोलिसांची चांगलीच तारांबळ उडाली.

Crime News Updates
भांडण सोडवायला गेलेल्या मित्राचा निर्घृण खून; पुण्यातील धक्कादायक घटना

याबाबत सविस्तर माहिती अशी की, राजुरा येथील उपविभागीय पोलीस अधिकारी कार्यालयातील दोन पोलिसांना ५० हजाराची लाच घेतांना अटक करण्यात आली होती. त्यानंतर आरोपी लाचलुचपत प्रतिबंधक चमुच्या ताब्यात होते. बल्लारपूर येथील एका तक्रारकर्त्याने उपविभागीय पोलीस अधिकारी कार्यालयातील दोन पोलीस कर्मचारी पैशाची मागणी करीत असल्याची तक्रार केली.

त्यानंतर नागपूरच्या लाचलुचपत प्रतिबंधक विभागाच्या पथकाने उपविभागीय पोलीस अधिकारी कार्यालयासमोरील पानटपरीवर सापळा रचला. त्यात राजेश त्रिकोलवार ५२ व सुधान्शु मडावी ४५ वर्षे या दोन पोलीस कर्मचाऱ्यांना ५० हजाराची लाच घेतांना अटक केली.

Edited By- Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.