सातारा : महाराष्ट्रात (Maharashtra) दहीहंडी (Dhai Handi) उत्सव माेठ्या उत्साहात साजरा केला जाताे. या उत्सवात अबालवृद्ध माेठ्या संख्येने सहभागी हाेत असतात. समाजात एकी निर्माण करणा-या हा उत्सव साजरा करण्यासाठी यंदा सार्वजनिक सुट्टी जाहीर केली जाणार आहे. याबाबतचे संकते मुख्यमंत्री एकनाथ शिंदे (Eknath Shinde) यांनी नुकतेच दिले आहेत. त्यामुळे यंदा नोकरदार वर्गास दहीहंडीची अधिकृत सुट्टी मिळण्याची आशा पल्लवीत झाली आहे. (Dhai Handi Public Holiday In Maharashtra)
दहीहंडीला (dhai handi 2022) सार्वजनिक सुट्टी जाहीर करून दहीहंडीला राष्ट्रीय सण म्हणून मान्यता मिळावी यासाठी आमदार प्रताप सरनाईक (mla pratap sarnaik) यांनी नुकतेच मुख्यमंत्री एकनाथ शिंदे यांना निवेदन दिले हाेते. या निवेदनात सरनाईक यांनी दहीहंडी हा लोकप्रिय सण असून या दिवशी सार्वजनिक सुट्टी मिळाल्यास सर्वांना उत्सवाचा आनंद लुटता येईल अशी देखील मागणी करण्यात आली हाेती.
मुख्यमंत्री एकनाथ शिंदे यांनी महाराष्ट्रात विशेषत: युवकांच्या आवडीचा सण असलेल्या दहीहंडी उत्सवासाठी सार्वजनिक सुटी जाहीर करु असे शुक्रवारी म्हटलं आहे. त्यामुळे काेराेनाच्या संकटानंतरचा यंदा पहिल्यांदाच येत्या १९ ऑगस्टला माेठ्या जल्लोषात दहीहंडीचा उत्सव साजरा होणार हे निश्चित.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
