मुख्यमंत्र्यांच्या हस्ते होणारी आषाढीची महापूजा निर्विघ्न पार पडेल - दत्तात्रय भरणे

पालकमंत्री दत्तात्रय भरणे यांनी आज आषाढी वारीच्या नियोजनाबाबत संबंधित विभाग प्रमुखांची बैठक घेतली. त्यावेळी त्यांनी मुख्यमंत्र्यांच्या हस्ते होणाऱ्या महापूजेबाबत सूचक वक्तव्य केले.
मुख्यमंत्र्यांच्या हस्ते होणारी आषाढीची महापूजा निर्विघ्न पार पडेल - दत्तात्रय भरणे
मुख्यमंत्र्यांच्या हस्ते होणारी आषाढीची महापूजा निर्विघ्न पार पडेल - दत्तात्रय भरणे भारत नागणे

भारत नागणे

पंढरपूर - कोरोनाच्या पार्श्वभूमीवर राज्यशासनाने घालून दिलेले नियम आणि वारकरी परंपरांचा मेळ साधून प्रशासकीय अधिकाऱ्यांनी आषाढी वारीचे योग्य नियोजन करावे असे सांगत, मुख्यमंत्री उध्दव ठाकरे यांच्या हस्ते होणारी आषाढी एकादशीची विठ्ठल रुक्मिणीची शासकीय महापूजा देखील निर्विघ्नपणे पार पडेल असा विश्वास वन राज्यमंत्री तथा सोलापूरचे पालकमंत्री दत्तात्रय भरणे यांनी आज येथे व्यक्त केला.

पालकमंत्री दत्तात्रय भरणे यांनी आज आषाढी वारीच्या नियोजनाबाबत संबंधित विभाग प्रमुखांची बैठक घेतली. त्यावेळी त्यांनी मुख्यमंत्र्यांच्या हस्ते होणाऱ्या महापूजेबाबत सूचक वक्तव्य केले. Dattatray Bharane speaks About Ashadhi Wari Mahapuja

हे देखील पहा -

धनगर समाजाला आरक्षण मिळावे या मागणीसाठी राज्य धनगर आरक्षण कृती समितीच्या कार्यकर्त्यांची अलीकडेच पंढरपुरात एक बैठक झाली होती. या बैठकीमध्ये थेट मुख्यमंत्री उध्दव ठाकरे यांना इशारा देण्यात आला होता.

मुख्यमंत्र्यांनी धनगर समाजाच्या आरक्षणाचा प्रश्न सोडवूनच पंढरपूरला आषाढीच्या महापूजेसाठी यावे. अन्यथा मुख्यमंत्र्यांना महापूजेसाठी पंढरपुरात येवू देणार नाही असा इशारा दिला होता. पालकमंत्री भरणे यांच्या समर्थक कार्यकर्त्यांनीच मुख्यमंत्र्यांना हा थेट इशारा दिल्याने खळबळ उडाली होती.

मुख्यमंत्र्यांच्या हस्ते होणारी आषाढीची महापूजा निर्विघ्न पार पडेल - दत्तात्रय भरणे
नंदुरबार जिल्ह्यात आतापर्यंत फक्त 33 टक्केच पाऊस !

येत्या 20 जुलै रोजी आषाढीचा सोहळा साजरा होणार आहे. मुख्यमंत्री उध्दव ठाकरे यांच्या हस्ते सपत्नीक विठ्ठल रुक्मिणीची शासकीय महापूजा होणार आहे. या पार्श्वभूमीवर महापूजा आणि वारीचे नियोजन कऱण्यासाठी पालकमंत्री भरणे यांच्या उपस्थितीत अधिकाऱ्यांची एक बैठक देखील पार पडली.

यामध्ये मुख्यमंत्र्यांच्या महापूजे संबंधी चर्चा झाली. बैठकीनंतर धनगर समाजाने मुख्यमंत्र्यांना दिलेल्या इशाराकडे लक्ष वेधले असता, पालकमंत्री भरणे यांनी धनगर समाजाच्या कार्यकर्त्यांची समजूत काढून त्यांचे समाधान केले जाईल.‌ महापूजेसाठी सर्वांचे सहकार्य घेणार आहे. त्यामुळे मुख्यमंत्री उध्दव ठाकरे यांच्या हस्ते होणारी आषाढीची शासकीय महापूजा ही निर्विघ्नपणे पार पडले असा विश्वासही व्यक्त केला.

कोरोनाच्या पार्श्वभूमीवर सार्वजनिक आरोग्य विभाग, नगरपालिका प्रशासन आणि जिल्हा परिषद आरोग्य विभाग यांनी समन्वय ठेवून लसीकरण, स्वच्छता, आरोग्य तपासणी, शुध्द पाण्याचा पुरवठा, आवश्यक ठिकाणी तात्पुरती स्वच्छता गृहे, वाखरी पालखीतळ स्वच्छता याकडे प्राधान्याने लक्ष द्यावे, अशा सूचना पालकमंत्री भरणे यांनी दिल्या.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com