अकोला: बोअरवेल मशीनचा शॉक लागून शिक्षकाचा दुर्देवी मृत्यु

जयेश गावंडे

अकोला: अकोल्यातील दहिगाव गावंडे येथे एका शिक्षकाचा पाणी भरत असताना बोअरवेल मशीनचा शॉक (Shock) लागून दुर्दैवी मृत्यू झाल्याची घटना घडली आहे. राहुल पुणाजी धांडे असे मृतक शिक्षकाचे नाव असून ते धोतरडी येथील जिल्हा परिषद शाळेत शिक्षक होते. (Akola Latest News In Marathi)

गावात पिण्याच्या पाण्याचे नळ आले असताना पाणी भरायचे असल्याने बोअरवेल मशीन लावताना शिक्षक राहुल धांडे यांना त्या मशीनचा जबर शॉक लागला. त्यातच त्यांचा मृत्यू झालाय. शिक्षक राहुल धांडे हे अकोल्यातील धोतरडी या गावात जिल्हा परिषद शाळेत शिक्षक होते. तर दहिगाव गावंडे गावात ते राहत होते. (Akola Local News Updates)

हे देखील पहा-

एक शिस्तप्रिय व्यक्तिमत्त्व हरपल्याने दोन्ही गावात खळबळ उडाली त्यांच्या जाण्याने दोन्ही गावात शोककळा पसरली आहे. अतिशय मनमिळावू व साधी राहणीमानाचे शिक्षक म्हणून त्यांची गावात ओळख होती. मृतक राहुल धांडे हे वंचित बहुजन आघाडीचे जेष्ठ नेते डी. एन. खंडारे यांचे जावई होते. गावात आज अचानक त्यांच्या निधनाची बातमी येताच सर्वांनाच धक्का बसला. अकोला रुग्णालयात त्यांना नेले असता ते मयत असल्याचे डॉक्टरांनी घोषित केले. (Latest News on akola)