Pandharpur Vitthal Mandir : गेल्या 48 वर्षांनंतर पंढरपूरचे विठ्ठल रुक्मिणी मंदिर बडवे उत्पातांच्या ताब्यातून मुक्त झाले आहे. पुन्हा विठ्ठल रुक्मिणी मंदिर बडवे उत्पातांच्या ताब्यात देण्यासाठी काही हिंदूत्ववादी मंडळींचा प्रयत्न सुरू आहे. परंतु त्यांचा हा प्रयत्न आम्ही यशस्वी होऊ देणार नाही, प्रसंगी या विरोधात जनआंदोलन उभा करू असा इशारा श्रमिक मुक्ती दलाचे नेते डाॅ. भारत पाटणकर (bharat patankar) यांनी पंढरपूरात (pandharpur) दिला.
विठोबा रखुमाई मुक्तीदिनाच्या निमित्ताने श्रमीक मुक्ती दलाच्या वतीने पंढरपुरात परिसंवादाचे आयोजन करण्यात आले होते. यावेळी डाॅ. भारत पाटणकर यांनी सुब्रमण्यम स्वामी यांना हा इशारा दिला आहे. काही दिवसांपुर्वी भाजपचे (bjp) माजी खासदार सुब्रमण्यम स्वामी यांनी विठ्ठल रुक्मिणी मंदिर येथील बडवे उत्पातांच्या ताब्यात यावे यासाठी सुप्रीम कोर्टात नव्याने याचिका दाखल केली जाईल असे जाहीर केले आहे. त्यावर डाॅ. पाटणकर बाेलत हाेते.
आषाढी, कार्तिकीच्या वेळी मुख्यमंत्री व उपमुख्यमंत्री यांच्या हस्ते होणारी महापूजा बंद करून दर्शन रांगेतील भाविकांच्या हस्ते महापूजा करावी अशी मागणी त्यांनी केली. सरकारने विठ्ठल मंदिर समितीची नव्याने लवकरच घोषणा करावी. पंढरपूरातील (pandharpur) विठ्ठल मंदिर मुक्तीसाठी राज्यभरात ठिकठिकाणी मेळावे घेतले जातील असेही यावेळी पाटणकर यांनी जाहीर केले. (Maharashtra News)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
