शिवसैनिकांची हत्या करणाऱ्या माजी उपमहापौर सुवर्णा कोतकर यांना जामीन मंजूर

आरोपी कोतकरने २ जानेवारीला जिल्हा व सत्र न्यायालयात अटकपूर्व जामीन मिळण्यासाठी अर्ज दाखल केला होता.
शिवसैनिकांची हत्या करणाऱ्या माजी उपमहापौर सुवर्णा कोतकर यांना जामीन मंजूर
Suvarna KotkarSaam TV

नगर: केडगाव हत्याकांड प्रकरणात (Kedgoan Murder Case) आरोपी असलेल्या माजी उपमहापौर सुवर्णा कोतकर यांचा अहमदनगर जिल्हा व सत्र न्यायालयाने (Ahmadnagar Court) अटकपूर्व जामिन मंजूर केला आहे. गुरूवारी अटकपूर्व जामीन अर्जावर जिल्हा व सत्र न्यायाधीश कुरतडीकर यांनी निकाल दिला. केडगाव येथे सुमारे तीन वर्षापूर्वी दोन शिवसैनिकांची हत्या झाली होती. या हत्याकांडात आरोपी म्हणून माजी उपमहापौर सुवर्णा कोतकर (Suvarna Kotkar) यांचा समावेश होता. हत्येपासून आरोपी सुवर्णा कोतकर फरार होती. आरोपी कोतकरने २ जानेवारीला जिल्हा व सत्र न्यायालयात अटकपूर्व जामीन मिळण्यासाठी अर्ज दाखल केला होता.

या अर्जावर सीआयडी आणि सरकारी वकिलांनी म्हणणे मांडले असता मंगळवारी या प्रकरणाची सुनावणी झाली होती. दोन्ही बाजुंचा युक्तिवाद ऐकल्यानंतर सुवर्णा कोतकरला काही अटींवर अटकपूर्व जामीन मंजूर करण्यात आला. महाराष्ट्र सोडायचा असल्यास परवानगी घ्यावी, पासपोर्ट जमा करावा, या अटींवर न्यायालयाने एक लाख रूपयांच्या जातमुचलक्यावर जामीन मंजूर केला आहे. आरोपी सुवर्णा कोतकरच्यावतीने न्यायालयात अॅड. विवेक म्हसे आणि अॅड. महेश तवले यांनी बाजू मांडली.

Edited By: Pravin Dhamale

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.