Narhari Zirwal News: नॉट रिचेबल नरहरी झिरवळ पुन्हा रिचेबल, म्हणाले...

तबरेज शेख

Narhari Zirwal News: महाराष्ट्राच्या दृष्टीने आजचा दिवस अत्यंत महत्वाचा आहे. कारण, आज सर्वोच्च न्यायालय महाराष्ट्राच्या सत्तासंघर्षावरील निकाल देणार आहे. त्यामुळे न्यायालय काय निर्णय देणार? याकडे सर्वांचं लक्ष लागलं आहे. (Latest Marathi News)

सत्तासंघर्षाच्या निकालावरून सत्ताधारी आणि विरोधी पक्षातील नेत्यांकडून विविध तर्क-वितर्क लावले जात असताना विधानसभा उपाध्यक्ष नरहरी झिरवळ (Narhari Zirwal) नॉट रीचेबल झाल्याची चर्चा सुरु होती. झिरवळ यांचे दोन्ही फोन बंद होते. मात्र आता नरहरी झिरवळ पुन्हा रिचेबल झाले असून त्यांनी आपली प्रतिक्रिया दिली आहे.

'मी जो निर्णय घेतला आहे तो कायद्याला धरून घेतलेला आहे. त्यानंतरच 16 आमदारांना अपात्र केलेला आहे. आजचा निकाल योग्य लागेल हे सगळे आमदार अपात्र होतील. जर १६ आमदारांमध्ये मुख्यमंत्री एकनाथ शिंदे (Eknath Shinde) आहेत. ते अपात्र झाल्यानंतर आपोआप मुख्यमंत्रीपद जाईल. त्यानंतर सरकार कोसळेल, तर घटना कुणाच्या दबावाखाली बदलत नाही. त्यामुळे आज त्यांचे आमदार अपात्र होतील. सुप्रीम कोर्ट कायदा तपासूनच निर्णय घेईल असा मला विश्वास, असंही झिरवळांनी यावेळी स्पष्ट केलं आहे.

शिंदे गटातील 16 आमदार कोण?

1. एकनाथ शिंदे

2. अब्दुल सत्तार

3. तानाजी सावंत

4. यामिनी जाधव

5. संदिपान भुमरे

6. भरत गोगावले

7. संजय शिरसाट

8. लता सोनवणे

9. प्रकाश सुर्वे

10. बालाजी किणीकर

11. बालाजी कल्याणकर

12. अनिल बाबर

13. संजय रायमुलकर

14. रमेश बोरणारे

15. चिमणराव पाटील

16. महेश शिंदे