आमचा १ कार्यकर्ता तुमच्यासाठी पुरेसा; फडणवीसांचा मुंडेंना टाेला

अक्कलकाेट : अरे वेड्या, भारतीय जनता पक्ष हा महाराष्ट्राच्या मुंबईतल्या मातीत तयार झालेला पक्ष आहे. दाेन वरुन ३०२ वर गेलेली ही पार्टी आहे. चार सहा खासदार असलेल्या पक्षाच्या कार्यकर्त्यांनी आम्हाला गाडण्याची भाषा करू नये. भाजपचा एक कार्यकर्ता तुमच्यासाठी पूरेसा आहे, त्यामुळे वल्गना करु नका असा इशारा राज्याचे विराेधी पक्ष नेते देवेंद्र फडणवीस यांनी महाविकास आघाडीचे मंत्री धनंजय मुंडे यांचे नाव न घेता दिला. devendra fadnavis akkalkot dhananjay munde political news bjp

राज्याचे विराेधी पक्ष नेते देवेंद्र फडणवीस आज (साेमवार) सोलापूर दौऱ्यावर आले हाेते. अक्कलकोट येथे देवेंद्र फडणवीस यांच्या हस्ते विविध विकास कामांचा प्रारंभ आणि लोकार्पण करण्यात आले. यावेळी फडणवीस बोलत होते. ते म्हणाले राज्यात शेतकरी आत्महत्या करताहेत, एसटी महामंडळाचे विलीनकरणासाठी कामगारांनी संप पुकारला आहे परंतु दुसरीकडे हे मंत्री नाचगाण्याचे कार्यक्रम करण्याच मग्न आहेत. हे आम्हांला सांगताहेत भारतीय जनता पक्षास मातीत गाडून टाकू या मंत्री धनंजय मुंडे यांच्या वक्तव्यावर फडणवीसांनी आपल्या भाषणात समाचार घेतला. ते म्हणाले आमच्या पक्षाचा एक कार्यकर्ता तुमच्यासाठी पुरेसा आहे.

अरे वेड्या, भारतीय जनता पक्ष हा महाराष्ट्राच्या मुंबईतल्या मातीत तयार झालेला पक्ष आहे. दाेन वरुन ३०२ वर गेलेली ही पार्टी आहे. चार सहा खासदार असलेल्या पक्षाच्या कार्यकर्त्यांनी आम्हाला गाडण्याची भाषा करू नये. भाजपचा एक कार्यकर्ता तुमच्यासाठी पूरेसा आहे त्यामुळे वल्गना करु नका असा इशारा फडणवीस यांनी दिला.

एककीडे शेतकऱ्यांची वीज ताेडली जात आहे. अहंकारी लोकांना जनता गाडल्याशिवाय राहणार नाही. शिर्डीसारखा विकास अक्कलकोट येथे करू असे फडणवीस यांनी आश्वासन दिले. या कार्यक्रमात अक्कलकोट येथील काँग्रेस, राष्ट्रवादी काॅंग्रेसमधील काही कार्यकर्त्यांनी भारतीय जनता पक्षात प्रवेश केला.

edited by : siddharth latkar