काळ आला, पण वेळ नव्हती; भरधाव कार दोन वेळेस उलटूनही नगरचे कुटुंब सुखरूप

काळ आला, पण वेळ नव्हती; भरधाव कार दोन वेळेस उलटूनही नगरचे कुटुंब सुखरूप
Accident
AccidentSaam tv

सोनगीर (धुळे) : ‘काळ आला होता, पण वेळ आली नव्हती’, या उक्तीचा अनुभव नगर येथील चौधरी कुटुंबांला आला. सोनगीरपासून उत्तरेला दोन किलोमीटर अंतरावर मुंबई- आग्रा महामार्गावर गाय वाचविताना कारवरील नियंत्रण सुटून कारने दोन (Accident) पलटी घेतल्या. दैव बलवत्तर म्हणून कोणालाही गंभीर दुखापत झाली नाही. ही घटना १७ मेस सकाळी दहाच्या सुमारास घडली. (dhule accident news family of the town is safe even after the car overturned twice)

Accident
आगीत चार एकरचा ऊस जळून खाक

राजस्थानातील (Rajasthan) असलेला परिवार सध्या नगर येथे वास्तव्यास असलेले ठेकेदार शुभम चौधरी पत्नी व लहान मुलासह कारने (एमएच १२, एमबी ५७५७) राजस्थानहून (Ahmednagar) नगरकडे जात होते. सोनगीरजवळ अचानक महामार्गावर गाय धावत आली. तिला वाचविण्यात कारवरील नियंत्रण सुटले व कारने दोन पलट्या घेत दुभाजक ओलांडून विरुद्ध ट्रॅकवर उलटली. सुदैवाने कोणतीही प्राणहानी झाली नाही. विशेष म्हणजे दोन्ही ट्रॅकवर वाहन नव्हते, अन्यथा मोठा अपघात झाला असता.

शुद्धीवर आल्‍यावर परिवाराचे अश्रू अनावर

अपघाताची माहिती मिळताच जवळील अनेक जण मदतीला धावून आले. कारमध्ये अडकलेले शुभम चौधरी, त्यांची पत्नी हेमलता चौधरी व सहा वर्षांचा बालक आश्चर्यजनक रितीने वाचलेले दिसून आले. तिघांना सफाईदारपणे बाहेर काढून सोनगीर ग्रामीण रुग्णालयात (Hospital) दाखल करण्यात आले. चौधरी दांपत्य किरकोळ जखमी झाले. बालकाला मात्र खरचटलेही नाही. शुभम चौधरी थोडा वेळ बेशुद्ध पडले होता. शुद्धीवर आल्यानंतर परिवाराला भेटून मोठ्याने रडू लागले. ‘काळ आला, पण वेळ नव्हती’ हे त्याला कळून चुकले होते. कारचे मात्र बरेच नुकसान झाले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com