चिमठाणे (धुळे) : चिमठाणे- शिंदखेडा राज्यमार्गावर चिमठाण्याजवळ दुचाकीची समोरासमोर धडक झाली. या (Accident) अपघातात वर्डे टेंभें येथील ५२ वर्षीय व्यक्तीचा जागीच मृत्यू झाला. या अपघातानंतर दुसरा दुचाकीस्वार (Dhule) घटनास्थळावरून फरार झाला आहे. (Latest Marathi News)
चिमठाणे- शिंदखेडा राज्यमार्गावर मंगळवारी सायंकाळी साडेसहाच्या सुमारास वर्डे (ता. शहादा, जि. नंदुरबार) येथील राजेंद्र दिवानसिंह गिरासे शिंदखेडा येथून दुचाकीने साळवे (ता. शिंदखेडा) कडे जात होते. या दरम्यान चिमठाण्याकडून दुसऱ्या दुचाकीने समोरून जोरदार धडक दिली. यात गिरासे यांना गंभीर दुखापत झाल्याने चिमठाणे येथील प्राथमिक आरोग्य केंद्रात प्राथमिक उपचार केल्यानंतर शिंदखेडा येथील ग्रामीण रुग्णालयात दाखल केले असता वैद्यकीय अधिकारी डॉ. कांटे यांनी रात्री सव्वा आठच्या सुमारास मृत घोषित केले.
अपघाताबाबत चुलत शालक लालसिंह नारायणसिंह गिरासे यांनी शिंदखेडा पोलिस ठाण्यात दिलेल्या फिर्यादीवरून समोरील दुचाकीचालकाने धडक देऊन गंभीर दुखापत केली. राजेंद्र गिरासे यांच्या गंभीर दुखापती व मृत्यूस कारणीभूत झाला तसेच दोन्ही मोटारसायकल नुकसानीस कारणीभूत झाला व अपघातची खबर न देता पळून गेला म्हणून दुचाकी चालकाविरोधात गुन्हा दाखल झाला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
