धुळे : धुळे महानगरपालिकेच्या अंतर्गत येणाऱ्या ओपन स्पेसमध्ये मोठ्या प्रमाणात नागरिकांनी अतिक्रमण केले आहे. या अतिक्रमण विरोधामध्ये पालिका (Dhule) प्रशासन आक्रमक झाल्याचे बघावयास मिळत आहे. दरम्यान, अतिक्रमण (Dhule Corporation) काढताना कोणाचीही गय केली जाणार नाही, असा इशारा यावेळी उपायुक्त संगीता नांदुरकर यांनी दिला. या मोहिमेत कोणीही बाधा निर्माण करु नये, यासाठी पोलीस बंदोबस्त देखील तैनात करण्यात आला आहे. (Letest Marathi News)
धुळे महानगरपालिकेच्या अतिक्रमण निर्मूलन पथकातर्फे धुळे शहरातील मुंबई– आग्रा महामार्ग परिसरात अतिक्रमण हटविण्यास सुरवात करण्यात आली आहे. यावेळी काही नागरिक स्वतःहून अतिक्रमण काढून घेत होते. नागरिकांना महानगरपालिका अतिक्रमण निर्मल पथकाचे अधिकारी कर्मचारीही मदत करत असून धुळे महापालिकेचे आयुक्त देविदास टेकाळे यांच्या आदेशाने शहारात अतिक्रमण निर्मूलन मोहिमेला वेग देण्यात आला आहे.
नागरीकांची कोर्टात धाव
पालिका उपायुक्त संगीता नांदुरकर यांच्या मार्गदर्शनात अतिक्रमण निर्मूलन पथक प्रमुखांच्या उपस्थितीत अतिक्रमण हटविण्यास सुरवात करण्यात आली. धुळे महानगरपालिका ओपन स्पेस सर्वे नंबर ४२० एक अ आणि एक ब या मोकळ्या भूखंडावर काही दिवसांपासून नागरिकांनी रहिवासी अतिक्रमण केले होते. मागील वर्षी काही अतिक्रमण या परिसरात काढण्यात आले होते. परंतु परिसरातील काही नागरिकांनी या अतिक्रमणावर ऑब्जेक्शन घेऊन कोर्टात धाव घेतली होती. परंतु कोर्टातर्फे अतिक्रमणाला स्टे न मिळाल्याने पुन्हा या परिसरात अतिक्रमण काढायला सुरुवात करण्यात आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
