धुळे : धारदार शस्त्राचा धाक दाखवून जबरी लूट केल्याचा प्रकार धुळ्यात झाला होता. ही लूट करणाऱ्या दोघा (Dhule News) चोरट्यांच्या स्थानिक गुन्हे अन्वेषण विभागाच्या पथकाने एक लाखांहून अधिकच्या मुद्देमाला सकट मुसक्या आवळल्या आहेत. (Breaking Marathi News)
धुळे शहरातील बारा पत्थर चौकामध्ये गॅरेजबाहेर उभ्या असलेल्या इसमास धारदार शास्त्राचा धाक दाखवून सोन्याचे ब्रासलेट व रोख रक्कम घेऊन चोरटे पसार झाले होते. या चोरट्यांच्या संदर्भात धुळे शहर पोलीस ठाण्यात गुन्हा दाखल झालेला होता. या गुन्ह्याची उकल करण्यासाठी स्थानिक गुन्हे अन्वेषण विभागाचे पथक व धुळे शहर पोलीस ठाण्याचे पथक संयुक्तरित्या तपास करत असताना हे सराईत धुळे तालुक्यातील कुसुंबा येथील एका हॉटेलजवळ उभे असल्याची गुप्त माहिती दारामार्फत (Dhule LCB) स्थानिक गुन्हे अन्वेषण विभागाच्या पथकाला माहिती मिळाली.
मिळालेल्या माहितीच्या आधारे स्थानिक गुन्हे अन्वेषण विभागाच्या पथकाने मिळालेल्या माहितीच्या ठिकाणी जाऊन सापळा रचून चोरट्यांना पकडले. त्यांच्याकडे जवळपास एक लाखांहून अधिकचा मुद्देमाल पोलिसांनी हस्तगत केला आहे. त्याचबरोबर या लुटीसह या चोरट्यांनी आणखी एका घरफोडी संदर्भात देखील कबुली दिली. स्थानिक गुन्हे अन्वेषण विभागाच्या पथकाने या दोघाही चोरट्यांच्या मुसक्या आवळल्या असून पुढील तपास स्थानिक गुन्हे अन्वेषण विभागाच्या पथकासह धुळे शहर पोलीस करीत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
