चिमठाणे (धुळे) : तामथरे (ता. शिंदखेडा) येथील अल्पवयीन मुलीस लग्नाचे आमिष दाखवून तिच्यावर अत्याचार केला. या प्रकरणी (Shindkheda) शिंदखेडा पोलिस ठाण्यात संशयित कमलेश कैलास चौधरी याच्याविरोधात वाढीव कलमान्वये गुन्हा दाखल झाला आहे. संशयिताला शिंदखेडा न्यायालयात हजर केले असता न्यायालयाने तीन दिवसांची पोलिस (Police) कोठडी सुनावली. पोलिस निरीक्षक सुनील भाबड यांच्या मार्गदर्शनाखाली सहाय्यक पोलिस निरीक्षक प्रशांत गोरावडे तपास करीत आहेत. (Live Marathi News)
तामथरे (धुळे) येथील पीडितेच्या वडिलांनी दिलेल्या फिर्यादीनुसार मुलगी शाळेत गेली होती. ती परत न आल्याने अपहरणाची फिर्याद दिली. यानुसार पोलिसांत गुन्हा दाखल झाला होता. त्यानुसार पोलिसांनी तत्काळ तपास चक्रे फिरविली. त्यात मुलगी व आरोपी छत्रपती संभाजीनगर येथे मिळाले. या तरुणाने लग्नाचे आमिष दाखवले व अत्याचार केल्याचा जबाब पोलिसांत मुलीने दिला.
मुलीच्या जबाबानुसार पोलिसांत संशयित आरोपीविरोधात वाढीव कलमान्वे बालकांचे लैंगिक अपराधापासून संरक्षण अधिनियम २०१२ च्या कलमानुसार गुन्हा दाखल करून अटक करण्यात आली. त्याला न्यायालयाने पोलिस कोठडी सुनावली. पोलिस निरीक्षक सुनील भाबड यांच्या मार्गदर्शनाखाली सहाय्यक पोलिस निरीक्षक प्रशांत गोरावडे तपास करीत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
