धुळे : धुळे तालुक्यातील वडेल येथून कंचनपूर येथे लग्नासाठी वऱ्हाड घेऊन निघालेल्या आयशर गाडीला धुळे ते शिरपूर महामार्गावर तिसगाव ढंडाने फाट्याजवळ भीषण अपघात (Accident) झाला. या अपघातात दहा ते पंधरा जण गंभीर जखमी झाले आहेत. जखमींमध्ये पुरुषांसह महिला व बालकांचा (Dhule News) देखील समावेश आहे. (dhule news Accident to truck the bridegroom people injured)
धुळ्याकडून शिरपूरकडे (Shirpur) भरधाव जाणाऱ्या अज्ञात वाहनाने सदर वाहनाला उजव्या बाजूने धडक दिली. या अपघातात दहा ते पंधरा वऱ्हाडी जखमी झाले आहेत. जखमींना तातडीने सोनगीर टोल येथील रुग्णवाहिकेतून जिल्हा रुग्णालयात (Hospital) पाठविण्यात आले. अपघात झाल्याचे लक्षात येताच महामार्गावरून प्रवास करणाऱ्या वाहनधारकांनी व परिसरातील नागरिकांनी तात्काळ धाव घेत बचाव कार्य करण्यास मदत केली आहे.
सुर्देवाने मोठी दुर्घटना टळली
वऱ्हाडी नेत असलेल्‍या आयशर ट्रकला झालेला अपघात ओव्हरटेक करण्याच्या नादात झाला असल्याची प्राथमिक माहिती समोर आली आहे. यासंदर्भात महामार्ग पोलीस त्याचबरोबर धुळे तालुका पोलीस पुढील तपास करीत आहेत. सुर्देवाने या अपघातात जीवितहानी टळली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
