कॉंग्रेसने वाजविले भोंगे; धुळ्यात महागाई विरोधात अनोखे आंदोलन

धुळे : केंद्र सरकारच्या महागाई धोरणाविरोधात धुळ्यात कॉंग्रेस आक्रमक झाल्याचे बघावयास मिळाले आहे. धुळे ग्रामीणचे आमदार कुणाल पाटील यांच्या अध्यक्षतेखाली धुळ्यात (Dhule) भोंगे वाजवून अनोख्या पद्धतीने केंद्र सरकारचा निषेध करण्यात आला आहे. (dhule news Congress trumpet agitation in Dhule against inflation)

सध्या संपूर्ण राज्यामध्ये भोंग्याचा विषय चर्चेचा ठरत असताना धुळ्यात भाजपच्या (BJP) केंद्र सरकारच्या महागाई संदर्भात निषेध करताना काँग्रेसने देखील भोंग्याचा वापर केला आहे. भोंग्यावरती पंतप्रधान नरेंद्र मोदी यांचे पूर्वीचे भाषण वाजवण्यात आले. त्यामध्ये महागाई कमी झाली की नाही यासंदर्भात एका भाषणादरम्यान पंतप्रधान नरेंद्र मोदी यांनी जनतेला विचारणा केली होती आणि हीच ऑडिओ क्लिप भोंग्यावरती वाजवून सर्वसामान्य नागरिकांना काँग्रेसने (Congress) महागाई कमी झाली की नाही असा प्रश्न विचारत केंद्र सरकारचा निषेध केला आहे.