धुळे : धुळे जिल्ह्यात दोन दिवस पावसाची संततधार सुरु असल्याने जनजीवन विस्कळीत झाले आहे. नदी- नाल्यांना देखील पूर आले. या दरम्यान (Shirpur) शिरपूर तालुक्यातील थाळनेर-होळनांते रस्त्यावरील (Dhule) पूल रात्रीच्या वेळी खचला. यामुळे पुलावरील वाहतूक खोळंबली आहे. (Maharashtra News)
धुळे जिल्ह्यासह परिसरात शनिवारी दिवसभर पावसाची संततधार सुरु होती. यामुळे नदी-नाल्यांना पूर आल्याचे पहावयास मिळाले. शिवाय तापी नदी व उपनद्यांच्या उगम स्थानाच्या पाऊस झाल्याने तापीला पूर आला आहे. तापी नदीचे बॅक वॉटर जाण्यासाठी शिरपूर तालुक्यातील थाळनेर- होळणांते रस्त्यावर पूल उभारण्यात आला आहे. परंतु रात्रीच्या सुमारास पूल अचानक खचला आहे.
सुदैवाने दुर्घटना नाही
थाळनेर- होळनांते रस्त्यावरील पूल सकाळी खचलेल्या अवस्थेत आढळून आला आहे. परिसरात अधून मधून पाऊस सुरू असून (Rain) काही महिन्यांपूर्वीच या रस्त्याचे काम झाले असल्याचे सांगण्यात येत आहे. पुल खचल्याने वाहतुकीचा मोठा खोळंबा झाला आहे. पुलावरून नेहेमीच वाहनांची वर्दळ सुरू असते. परंतु त्यावेळी सुदैवाने वर्दळ नसल्याने कुठलीही घटना घडली नाही. सध्या वाहतुकीसाठी हा मार्ग बंद करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
