बिल भरणाप्रश्‍नी फेक मेसेज; महावितरणचा ग्राहकांना सावधानतेचा इशारा

बिल भरणाप्रश्‍नी फेक मेसेज; महावितरणचा ग्राहकांना सावधानतेचा इशारा
बिल भरणाप्रश्‍नी फेक मेसेज; महावितरणचा ग्राहकांना सावधानतेचा इशारा
MahavitaranSaam tv

धुळे : एखाद्या व्यक्तीचा मोबाईल क्रमांक हॅक करून त्याव्दारे, तसेच वीज ग्राहकांना वैयक्तिक क्रमांकावरून बनावट ‘एसएमएस’ पाठवून वैयक्तिक मोबाईल क्रमांकावर संपर्क साधायला सांगणे, नंतर एखादी लिंक पाठवून किंवा सॉफ्टवेअर (Dhule News) डाऊनलोड करण्यास सांगणे व याप्रकारे वीज ग्राहकाने प्रतिसाद दिल्यास आर्थिक फसवणूक करण्याचे प्रकार घडत आहेत. त्यामुळे कोणत्याही स्थितीत वैयक्तिक मोबाईल क्रमांकावरून प्राप्त झालेल्या बनावट ‘एसएमएस’ना कोणताही प्रतिसाद देऊ नये, असे आवाहन महावितरणने (MSEDCL) केले. (dhule news False messages on bill payment issues MSEDCL warns consumers)

Mahavitaran
राष्ट्रपतिपदाच्या उमेदवारीबाबत शरद पवारांचं मोठ विधान, म्हणाले...

मागील काही दिवसांपासून विविध ग्राहकांना बनावट एसएमएस पाठवून, बिल भरणा करा वा वीजपुरवठा खंडीत केला जाईल असे कारण पुढे करत लुबाडण्याचे प्रकार घडत आहे. राज्यासह धुळे (Dhule) शहर व जिल्ह्यातही बनावट ‘एसएमएस’ पाठवून ऑनलाइन लुबाडल्याचा प्रकार घडत आहे. यासोबतच महावितरणकडूनदेखील बनावट ‘एसएमएस’ प्रकरणी सायबर सेलमध्ये याआधी तक्रारी दाखल करण्यात आली आहे.

महावितरणकडून मेसेज नाहीच

‘मागील महिन्याचे वीजबिल अपडेट नसल्याच्या कारणावरून वीजपुरवठा खंडित करण्यात येणार आहे. त्यामुळे ताबडतोब सोबत दिलेल्या वैयक्तिक मोबाईल क्रमांकावर संपर्क साधावा, असे बनावट ‘एसएमएस’ नागरिकांना पाठविण्यात येत आहेत. मात्र कोणत्याही वैयक्तिक मोबाईल क्रमांकावरून अशा प्रकारचे ‘एसएमएस’ व व्हॉट्स अॅप मेसेज पाठविण्यात येत नाही, असे महावितरणकडून स्पष्ट करण्यात आले आहे.

फेक कॉल अन्‌ बनावट लिंक

वीजबिलाची रक्कम भरलेली नसल्याने वीजपुरवठा आज रात्री खंडित करण्यात येत आहे’ असा संदेश वेगवेगळ्या वैयक्तिक मोबाईल क्रमांकावरून पाठविण्यात येत असल्याचे पुन्हा गैरप्रकार घडत आहेत. या मेसेजनंतर वीजबिल भरण्यासाठी वैयक्तिक मोबाईल क्रमांकावरून ऑनलाइन पेमेंटसाठी बनावट लिंक पाठविण्यात येत आहे. तसेच ग्राहकांना वीजबिल भरण्यासाठी सॉफ्टवेअर डाऊनलोड करण्यास सांगितले जात आहे. ग्राहकांनी त्यास प्रतिसाद दिल्यास मोबाईल किंवा संगणक हॅक करून बॅक खात्यातील शिल्लक रक्कम लंपास करण्याची मोठी शक्यता आहे. त्यामुळे वीजग्राहकांनी या बनावट मेसेज व लिंककडे दुर्लक्ष करावे. बिलाच्या पेमेंटसाठी लिंक किंवा कोणतेही सॉफ्टवेअर डाऊनलोड करू नये. तसेच मेसेजमध्ये नमूद केलेल्या कोणत्याही वैयक्तिक मोबाईल क्रमांकावर संपर्क साधू नये, असे आवाहन महावितरणने केले आहे.

ग्राहकांना संपर्काचे आवाहन

काही शंका व तक्रारी असल्यास वीजग्राहकांनी चोवीस तास सुरू असलेल्या १९१२, १८००१०२३४३५ किंवा १८००२३३३४३५ या टोल फ्री क्रमांक किंवा नजीकच्या कार्यालयांशी संपर्क साधावा. तसेच अशा प्रकारचे संदेश आल्यास ग्राहकांनी cybercrime.gov.in या पोर्टलवर तक्रारीची नोंद करावी, असेही आवाहन महावितरणने केले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com