धुळे : महिलेचा आधार घेऊन मुंबई- आग्रा महामार्गावरील वाहनांची लूट करणाऱ्या टोळीचा आझादनगर पोलिसांनी (Police) ताब्‍यात घेतले आहे. विशेष म्हणजे या टोळीमध्ये महिलेचा देखील सहभाग असल्याचे उघडकीस आले आहे. (Live Marathi News)
धुळे (Dhule) शहरापासून काही किलोमीटर अंतरावर असलेल्या मुंबई– आग्रा महामार्गावर गेल्या काही दिवसांपासून वाहनांना लुटणाऱ्या (Robbery) टोळीने चांगलाच थैमान घातला होता. महिलेच्या मदतीने ही टोळी हायवेवरील वाहनांना लुटत होते. या टोळीला अखेर आझादनगर पोलिसांनी जेरबंद केले आहे.
महिला हात दाखवायची अन्‌
मुंबई– आग्रा महामार्गावर ही महिला मदतीची मागणी करत वाहनांना हात देत वाहन थांबवायची. त्यानंतर आजूबाजूला दबा धरून बसलेल्या टोळीतील सर्वजण या थांबलेल्या वाहनावर तुटून पडायचे. वाहनातील मुद्देमाल चोरी करून पोबारा करायचे. चार ते पाच दिवसांपूर्वी देखील अशाच प्रकारे या टोळीने मुंबई आग्रा महामार्गावर जबरी लूट केल्याची घटना उघडकीस आली होती. या अनुषंगाने पोलिसांनी सापळा रचत पहाटे लुटीच्या हेतूने हायवेवर असलेली टोळी पोलिसांना आढळून आली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.