Dhule Rain Update: दोन महिन्यांच्या विश्रांतीनंतर धुळ्यात दमदार पावसाची बॅटिंग

धुळे : गेल्या काही दिवसांपासून पावसाने दडी मारली होती. मात्र आज तब्बल दोन महिन्यांच्या विश्रांतीनंतर पावसाने (Dhule) धुळ्यात जोरदार हजेरी लावली आहे. पाऊस आल्याने शेतकरी (Farmer) सुखावला असून पिकांना देखील जीवदान मिळणे आहे. (Breaking Marathi News)

धुळ्यात आज आलेल्या पावसामुळे हातच जाणार पीक वाचणार जरी असलं तरी देखील गेल्या दोन महिन्यांपासून पावसाचा (Rain) थेंबही पडला नव्हता. यामुळे जवळपास ८० टक्के पीक हे वाया जाणार आहे. परंतु असे असले तरी देखील या आजच्या पडणाऱ्या पावसामुळे शेतकऱ्यांना काहीसा दिलासा मिळाला आहे.

नंदुबारमध्येही हजेरी 

तब्बल दोन महिन्यांनी धुळे शहरासह जिल्ह्यातील विविध ठिकाणी पावसाने जोरदार हजेरी लावली आहे. त्यानुसार नंदुरबार जिल्ह्यात देखील दुपारच्यावेळी जोरदार पाऊस झाला. शिवाय जळगावमध्ये देखील दुपारी तीन वाजेच्या सुमारास पावसाने तुरळक हजेरी लावली.