Dhule News: सॅनिटरी पॅडचा आडून विदेशी दारूची अवैध वाहतूक; पोलिसांनी मुद्देमाल केला जप्त
धुळे : सॅनिटरी पॅडचा आडून गोव्याहून सुरतच्या दिशेने धुळेमार्गे विदेशी दारूची अवैधपणे वाहतूक केली जात होती. ही वाहून (Dhule) करत असलेल्या दोघांच्या स्थानिक गुन्हे अन्वेषण विभागाच्या पथकाने मुद्देमाला सकट मूसक्या आवळल्या आहेत. (Latest Marathi News)
गोव्याहून सुरतकडे धुळे मार्गे ट्रकमधून मोठ्या प्रमाणात विदेशी दारूची अवैधपणे वाहतूक केली जात होती. याबाबतची माहिती स्थानिक गुन्हे अन्वेषण विभागाच्या (LCB) अधिकाऱ्यांना गुप्त माहितीदारा मार्फत मिळाली होती. या माहितीच्या आधारे स्थानिक गुन्हे अन्वेषण विभागाच्या पथकाने सापळा रचला असता, संबंधित ट्रक पोलिसांना आढळून आला.
दहा लाखाची दारू जप्त
हा ट्रक पोलिसांनी थांबवून ट्रक चालकास विचारणा केली. मात्र यात सॅनिटरी पॅड असल्याचे ट्रक चालकाने सांगितले. याबाबत खातरजमा करण्यासाठी पोलिसांनी ट्रकची तपासणी केली असता त्यामध्ये सॅनेटरी पॅडच्या आडून मोठ्या प्रमाणात विदेशी दारूची वाहतूक केली जात असल्याचे आढळून आले आहे. या कारवाईमध्ये जवळपास दहा लाखांचा दारूचा साठा पोलिसांनी हस्तगत केला असून एकंदरीत १८ लाखांहून अधिकचा मुद्देमाल पोलिसांनी या कारवाईदरम्यान हस्तगत केला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.