रास्‍ता रोको करत भारत बंदला महाविकास आघाडीचा पाठींबा

धुळे : किसान सभेच्या भारत बंदला धुळे जिल्ह्यातून रास्ता रोको व मोर्चे काढून महाविकास आघाडीमधील तिनही पक्षांनी किसान सभेला पाठिंबा दिला. (dhule-news-kisan-morcha-bharat-band-Supporting-Maha-Vikas-Aghadi-by-blocking-the-road)

किसान सभेच्यावतीने केंद्र सरकारने पारित केलेल्या तीनही कृषी कायद्यांच्या विरोधात भारत बंदची हाक देण्यात आली आहे. आज किसान सभेच्या या भारत बंदच्या हाकेला धुळे शहरासह जिल्हाभरात मोर्चा त्याचबरोबर रास्ता रोको करून शिवसेना, राष्ट्रवादी काँग्रेस त्याचबरोबर काँग्रेस या तिन्ही पक्षांनी रस्त्यावर उतरून पाठिंबा दिला आहे. यावेळी भाजपच्या केंद्र सरकारच्या विरोधामध्ये महाविकास आघाडी सरकारमधील तीनही घटक पक्ष किसान सभेच्या सोबत संघटित झाल्याचे बघावयास मिळाले.

केंद्र सरकार विरोधात मोर्चा

धुळे शहरामध्ये केंद्र सरकारच्या विरोधामध्ये मोर्चा काढून केंद्र सरकारच्या कृषी कायद्याच्या निषेध व्यक्त करण्यात आला आहे. तर दुसरीकडे शिंदखेडा तालुक्यातील दोंडाईचा येथे रास्ता रोको करून निषेध करण्यात आला आहे. तसेच साक्री तालुक्यातील पिंपळनेर या ठिकाणी देखील रास्तारोको करून केंद्र सरकारच्या कृषी कायद्यांच्या विरोधात निषेध व्यक्त करण्यात आला आहे.