धुळे : गेल्या काही दिवसांपासून महाराष्ट्राचे आराध्य दैवत असलेल्या छत्रपती शिवाजी महाराजांविषयी अवमानकारक वक्तव्य वारंवार केली जात आहेत. या विरोधात धुळ्यात (Dhule) आज शिवप्रेमींनी आंदोलन करत बेताल वक्तव्य करणाऱ्यांच्या प्रतिमेला काळे फासून आंदोलन केले. (Breaking Marathi News)
यातून छत्रपती शिवाजी महाराजांचा अपमान होत असून यामुळे (Dhule News) शिवप्रेमींमध्ये प्रचंड संतापाची लाट उसळली आहे. या पार्श्वभूमीवर आज शहरातील सकल मराठा समाज व शिवप्रेमींनी एकत्र येत मनोहर चित्र मंदिराजवळ छत्रपतींच्या स्मारकाजवळ अवमान करणाऱ्यांच्या प्रतिमेस काळे फासून आंदोलन केले. यावेळी छत्रपतींबद्दल अवमानकारक वक्तव्य करणाऱ्या राज्यापालांसह नेत्यांचे फोटो लावण्यात आले होते. त्याखाली 'हे सारे अकलेचे गाढव आहेत..!' अशा आशयाचा मजकूर असलेले पोस्टर झळकवत पोस्टवरील वाचाळवीरांच्या प्रतिमेला काळे फासण्यात आले.
सत्ताधारी नेत्यांच्या घरावर नेणार मोर्चा
या वक्‍तव्‍याच्‍या विरोधात आक्रमक पवित्रा घेत शिवप्रेमींच्यावतीने येत्या काही दिवसात सत्ताधारी पक्षातील नेत्यांच्या घरासमोर मोर्चा नेत आंदोलन करण्याचा इशारा देखील यावेळी आंदोलकांतर्फे देण्यात आला आहे. यावेळी जमलेल्या सर्व आंदोलकांतर्फे घोषणाबाजी करून आपला तीव्र संताप व्यक्त करण्यात आला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
