धुळे : कोरोनाच्या पार्श्वभूमीवर सर्वच सणउत्सव राज्य शासनातर्फे रद्द करण्यात येत आहेत. आगामी दहीहंडी उत्सवावर देखील निर्बंध लादण्यात आल्यानंतर या विरोधात धुळ्यात मनसे कार्यकर्ते आक्रमक झाल्याचे बघावयास मिळत आहे. (dhule-news-Restrictions-on-Dahihandi-festival-Demonstrations-by-MNS)
एकीकडे सर्वच राजकीय सोहळे व्यवस्थित पार पडत असताना दुसरीकडे मात्र सणवारांवरच ठाकरे सरकारतर्फे गदा आणली जात असल्याचा आरोप मनसेतर्फे लावण्यात आला आहे. दहीहंडी उत्सवावर निर्बंध लावण्यात आल्यानंतर मनसेतर्फे राज्य शासनाचा निषेध करण्यासाठी धुळे शहरातील महाराणाप्रताप चौकामध्ये निदर्शने करण्यात आले आहेत.
तर मनसे स्‍टाईल आंदोलन
बालगोपाळ कृष्णालाच या आंदोलनामध्ये सामील करण्यात आले होते. तीघाडी सरकारचे डोके ठिकाणावर येउ दे.. असे मागणे यावेळी या बालगोपाळ कृष्णाकडे मनसेतर्फे करण्यात आले आहे. राज्य सरकारच्या विरोधामध्ये मनसेच्या कार्यकर्त्यांनी व पदाधिकाऱ्यांनी घोषणाबाजी केली. तसेच लवकरात लवकर दहीहंडी उत्सवाबाबत सकारात्मक निर्णय घेण्यात न आल्यास मनसे स्टाईलने आंदोलन करण्याचा इशारा यावेळी मनसे पदाधिकाऱ्यांनी व कार्यकर्त्यांनी दिला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
