Sharad Pawar
Sharad PawarSaam tv

राष्‍ट्रवादीचे अध्‍यक्ष शरद पवार ३० जुलैला धुळे दौऱ्यावर

राष्‍ट्रवादीचे अध्‍यक्ष शरद पवार ३० जुलैला धुळे दौऱ्यावर

धुळे : येथील काही कार्यकर्ते आणि दानशूरांच्या आर्थिक योगदानातून राष्ट्रवादी भवनाचे नूतनीकरण झाले आहे. यासंदर्भात होणाऱ्या कार्यक्रमास पक्षाचे सर्वेसर्वा खासदार शरद पवार (Sharad Pawar) हे ३० जुलैला येथे दौऱ्यावर असतील, अशी माहिती प्रदेश उपाध्यक्ष (Anil Gote) अनिल गोटे यांनी पत्रकाव्दारे दिली. (Dhule News Sharad Pawar)

Sharad Pawar
Fire: पुणे नगर महामार्गावर भीषण आग; फर्निचर मॉल, मोबाईल शॉपसह ८ दुकानांना झळ

राष्ट्रवादी (NCP) भवनाच्या नूतनीकरणाबाबत प्रदेशाध्यक्ष जयंत पाटील यांनी श्री. गोटे यांच्याशी मुंबईत चर्चा केली. तसेच या कामाबाबत समाधान व्यक्त केले. यासंदर्भात कार्यक्रमाच्या तयारीसाठी श्री. गोटे यांनी मंगळवारी (Sakri) साक्री, बुधवारी शिंदखेडा, गुरूवारी शिरपूर, शुक्रवारी (Dhule) धुळे शहर व तालुका दौरा आणि शनिवारी मुख्य कार्यक्रमास उपस्थिती, असे नियोजन केले आहे. यानुसार पक्ष कार्यकर्त्यांनी त्या- त्या विश्रामगृहात दुपारी एकला उपस्थित राहावे, असे आवाहन त्यांनी केले.

असा आहे कार्यक्रम

खासदार पवार हे २९ जुलैला सायंकाळी सातला नाशिकला दाखल होतील. तेथून ते ३० ला सकाळी साडेआठला धुळ्याकडे निघतील. त्यांचे सकाळी साडेअकराला आगम होईल. मिरवणुकीने ते दुपारी बाराला गुलमोहर विश्रामगृहात उपस्थित होतील. दुपारी साडेबारापर्यंत ते शिष्टमंडळे व कार्यकर्त्यांशी हितगुज साधतील. नंतर दुपारी पाऊण ते अडीचपर्यंत राष्ट्रवादी भवनाच्या नूतनीकरणाचे अनावरण त्यांच्या हस्ते होईल. पत्रकारांशी संवादानंतर ते दुपारी साडेतीनपर्यंत मल्हार बागेत असतील. तेथून नाशिकला रवाना होतील, अशा नियोजीत दौऱ्याची माहिती श्री. गोटे यांनी दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com