Dhule News: मनपा शाळेची खिडकी फोडून दोन प्रोजेक्टरांची चोरी

धुळे : धुळे शहरातील बारापत्थर परिसरात असलेल्या धुळे महानगरपालिका (Dhule Corporation) शाळा क्रमांक आठ येथे डिजिटल रूम आहे. या रूमची खिडकी तोडून चोरट्याने शाळेमध्ये प्रवेश करत दोन प्रोजेक्टर आणि एक पेपरांची मोठी पिशवी चोरून (Theft) पोबारा केला आहे. (Live Marathi News)

धुळे शहरातील बारापत्‍थर परिसरात महानगरपालिकेच्या शाळा क्रमांक आठ आहे. या शाळेच्या डिजिटल रूममध्ये दोन प्रोजेक्टर लावलेले होते. महाशिवरात्री आणि शिवजयंतीची सुट्टी असल्याने शाळा दोन दिवसापासून बंद होती. या संधीचा फायदा घेत अज्ञात चोरट्याने डिजिटल रूमची खिडकी तोडून आत मध्ये प्रवेश केला आणि दोन महागडे प्रोजेक्टर आणि एक पेपरची पिशवी चोरून पोबारा केला.

शाळा उघडल्‍यानंतर आले लक्षात

डिजीटल रूमच्‍या आतमध्ये असलेले सामानही चोरट्यांनी अस्ताव्यस्त केले आहे. हा सर्व प्रकार आज शाळा उघडल्‍यानंतर लक्षात आला. यानंतर शहर पोलीस ठाण्यात तक्रार दाखल करण्यात आली. पुढील तपास शहर पोलीस ठाण्याचे पोलीस अधिकारी करीत आहे.