धुळे : धुळ्यात भर उन्हाळ्यात नागरिकांना आठ दिवसातून एकदा पिण्याच्या पाण्याचा पुरवठा होत आहे. पालिका प्रशासन व सत्ताधाऱ्यांच्या ढिसाळ नियोजनामुळे (Dhule) धुळेकरांना पाणी टंचाईचा सामना करावा लागत आहे. या विरोधात (NCP) राष्‍ट्रवादीने आज मनपा प्रशासन व सत्ताधारी यांच्‍या विरोधात आंदोलन केले. (Live Marathi News)
धुळे महापालिका प्रशासन व भाजप सत्ताधार्यांविरोधात राष्ट्रवादी काँग्रेस पक्षाचे पदाधिकारी व कार्यकर्ते आक्रमक झाल्याचे बघावयास मिळाले आहे. राष्ट्रवादी काँग्रेस पक्षाच्या पदाधिकारी व कार्यकर्त्यांनी थेट धुळे महानगरपालिकेच्या (Dhule Corporation) प्रवेशद्वारावरच सत्ताधारी व पालिका प्रशासनाचा घोषणाबाजी करून निषेध केला आहे.
फडणवीसांच्‍या आश्‍वासनाचे काय?
२०१८ मध्ये पालिका निवडणुकीवेळी माजी मुख्यमंत्री तथा सध्याचे उपमुख्यमंत्री देवेंद्र फडणवीस यांनी धुळेकरांना दिवसाआड पाणी देण्याचे आश्वासन दिले होते. मात्र या आश्वासनास साडेचार वर्षे उलटली तरी देखील धुळेकरांचा पाणी प्रश्न सत्ताधाऱ्यांनी सोडविला नाही. असे म्हणत राष्ट्रवादीतर्फे सत्ताधारी व पालिका प्रशासनाला गंभीर इशारा देत पुढील आठ दिवसाच्या आत एक दिवसाआड पिण्याच्या पाण्याचा पुरवठा न केल्यास हांडा आंदोलन करण्याचे देखील स्पष्ट केले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
