धुळे : नाशिक पदवीधर मतदार संघाच्या सध्या सुरू असलेल्या पाठिंब्या संदर्भातील पेचाकडे संपूर्ण राज्यभराचे लक्ष लागून राहिले आहे. त्यातच ठाकरे शिवसेना पुरस्कृत उमेदवार शुभांगी पाटील यांनी मातोश्री गाठत ठाकरे शिवसेना (Shiv Sena) गटाचा पाठिंबा मिळविल्यानंतर महाविकास आघाडीतील (Mahavikas Aaghadi) इतर मोठ्या दोन पक्षांकडून पाठिंबा मिळण्यासंदर्भात महाविकास आघाडीची आज बैठक पार पडणार आहे. (Maharashtra News)
शुभांगी पाटील यांनी मंगळवारी शेगाव येथे काँग्रेसचे प्रदेश अध्यक्ष नाना पटोले यांची देखील भेट घेतली. यामुळे शुभांगी पाटील यांना काँग्रेस व राष्ट्रवादी काँग्रेसतर्फे पाठिंबा दिला जाणार का? हेच या बैठकीत निश्चित होणार आहे. यातच नाशिक पदवीधर मतदारसंघाच्या ठाकरे शिवसेना गटाच्या पुरस्कृत उमेदवार शुभांगी पाटील यांनी महाविकास आघाडी आपल्यालाच पाठिंबा देणार असल्याचे स्पष्ट केले आहे.
आता बैठकीकडे लक्ष
यामुळे या बैठकीकडे संपूर्ण राजकीय वर्तुळाचे लक्ष लागून आहे. कारण या बैठकीनंतर कुठल्या उमेदवाराला महाविकास आघाडीतर्फे पाठिंबा जाहीर करण्यात येणार; हे निश्चित करण्यात येणार आहे. यावर नाशिक (Nashik) पदवीधर मतदार संघातील उमेदवाराचे भवितव्य देखील ठरणार आहे. त्यामुळे आजच्या महाविकास आघाडीच्या घटक पक्षांच्या बैठकीकडे संपूर्ण राजकीय वर्तुळाचे लक्ष लागून राहिले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
