धुळे : शिंदखेडा तालुक्यातील दरणे येथील प्रेमसिंग राजेंद्र गिरासे या तरुणाचा चिमठाणे रस्त्यावर गेल्या दोन दिवसांपूर्वी दुपारी तीन वाजेच्या सुमारास खून करण्यात आला होता. याप्रकरणी पोलीसांनी खलाणे येतील तीन संशयितांना ताब्यात घेतले आहे. याबाबत आज दि 8 रोजी राजपूताना फाऊंडेशन महाराष्ट्र अध्यक्ष गिरीषसिंह परदेशी यांच्या नेतृत्वात शिंदखेडा शहरात बसस्थानक ते पोलीस स्टेशन पर्यंत मोर्चा काढण्यात आला.
हे देखील पहा :
मोर्चात मोठ्या प्रमाणात शिरपूर व शिंदखेडा तालुक्यातील जनसमुदाय उपस्थित होता. दरणे येथे भेट देऊन शिंदखेडा येथे पोलीस स्टेशन पर्यंत मोर्चा काढण्यात आला. या मोर्चामध्ये शेकडो युवक सहभागी झाल्याचे पाहण्यास मिळाले.
यावेळी माजी पर्यटन राज्यमंत्री तथा आमदार जयकुमार रावल यांनी देखील या पीडित कुटुंबीयांची भेट घेत त्यांचे सांत्वन केले. त्याचबरोबर शिंदखेडा पोलिस ठाण्यातील वरिष्ठ अधिकाऱ्यांना या गुन्ह्यांमध्ये ताब्यात घेतलेल्या तिघाची जणांवर कठोरात कठोर कलम लावण्यात यावेत त्याचबरोबर या गुन्ह्यामध्ये पकडल्या गेलेल्या तीनही आरोपींच्या कुटुंबियांना देखील सहआरोपी करण्यात यावे, तसेच हा खटला चालवण्यासाठी ऍड.उज्वल निकम यांची नियुक्ती करावी तसेच हा खटला फास्ट ट्रॅक कोर्टामध्ये चालविण्यात यावा व संबंधितांना फाशीची शिक्षा करण्यात यावी या मागण्या माजी मंत्री जयकुमार रावल यांनी निवेदनातून केल्या आहेत. हे निवेदन यावेळी शिंदखेडा पोलीस ठाण्याचे वरिष्ठ अधिकाऱ्यांना देण्यात आले आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.