पंढरपूर : सोलापूर जिल्ह्यातील महाळूंग श्रीपूर नगरपंचायतीची निवडणूक नुकतीच पार पडली आहे. या निवडणुकीत भाजपला (BJP) केवळ एका जागेवर समाधान मानावे लागले आहे. हा पराभव भाजपच्या कार्यकर्त्यांच्या जिव्हारी लागला आहे. त्यातच मी 'डी' बोलतोय, भाजपला मतदान करायचे नाही हे 'लक्षात' ठेवा. असे पोस्टर्स महाळूंग-श्रीपूर (Mahalung Shripur) मध्ये ठिकठिकाणी झळकली आहेत.
हे देखील पहा :
त्यामुळे भाजपच्या विरोधात मतदान करायला सांगणारा हा 'डी' कोण? याचीच चर्चा या परिसरात रंगली आहे. महाळूंग श्रीपूर नगरपंचायत निवडणुकीत राष्ट्रवादी कॉंग्रेसला (NCP) सहा जागा मिळाल्या आहेत. त्या तुलनेत भाजपला गटबाजीने घेरले होते.
नानासाहेब मुंडफने व भिमराव रेडे पाटील यांच्या गटाने प्रचारात मोहिते पाटलांच्या (Mohite-Patil) फोटोचा व नावाचा वापर केला होता. त्याचा फायदा या दोन गटांना झाला आहे. त्या तुलनेत भाजपच्या उमेदवारांनी पंतप्रधान नरेंद्र मोदी (Narendra Modi), राष्ट्रीय अध्यक्ष नड्डा, प्रदेशाध्यक्ष चंद्रकांत पाटील, विरोधी पक्षनेते देंवेंद्र फडणवीस (Devendra Fadnavis) यांच्या फोटोंचा वापर आपल्या प्रचारात केला होता. अगदी शेवटच्या क्षणी भाजपने चिन्हावर निवडणूक लढण्याचा निर्णय घेतला होता.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
