Pandharpur News Today: पंढरपुरातील विठ्ठल रुक्मिणी मंदिर परिसरात राबविण्यात येणाऱ्या कॉरिडारची पुन्हा एकदा चर्चा सुरू झाली आहे. अलीकडेच उपमुख्यमंत्री देवेंद्र फडणवीस यांनी पंढरपूर शहर विकास आराखड्यासाठी सुमारे 2700 कोटी रुपयांची घोषणा केली आहे. या विकासाराखड्याचे काम आषाढी यात्रेपासून सुरू होईल अशी आता चर्चा सुरू झाली आहे. (Latest Marathi News)
काशी विश्वनाथ मंदिराच्या धरतीवर पंढरपुरातील विठ्ठल रुक्मिणी मंदिर आणि परिसराचा विकास करण्याचा राज्य सरकारचा मानस आहे. मंदिर परिसरातील गर्दी कमी करणे, भाविकांना सुलभ दर्शन मिळावे, याबरोबरच मंदिर परिसराचे सुशोभीकरण करण्यासाठी मंदिर परिसरात कॉरिडॉरची निर्मिती करण्याचाही संकल्प राज्य सरकारने केला आहे.
मात्र पंढरपुरातील (Pandharpur) कॉरिडारला स्थानिक व्यापारी आणि रहिवाशांनी विरोध केल्यानंतर कॉरिडॉरची संकल्पना काही प्रमाणात मागे पडले आहे. अशातच आता उपमुख्यमंत्री देवेंद्र फडणवीस (Devendra fadnavis) यांनी पंढरपूर शहर विकास आराखडासठी 2700 कोटी रुपयांची घोषणा केली आहे. या घोषणानंतर आता पुन्हा पंढरपुरातील कॉरिडारची चर्चा सुरू झाली आहे.
दरम्यान, उपमुख्यमंत्री देवेंद्र फडणवीस यांनी जाहीर केलेल्या या निधी संदर्भात कोणतीही अधिकृत माहिती प्रशासनाकडे आली नाही. राज्य सरकारने (State Government) या संदर्भात लवकरच आपली भूमिका स्पष्ट करावी अशी मागणी आता पंढरपुरातील स्थानिकांनी केली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.