नाशकात मकरसंक्रांतीच्या निमित्ताने डीजेचा दणदणाट, पोलिसांची थेट गच्चीवर जावून धडक कारवाई!

अभिजित सोनावणे

नाशिक: मकरसंक्रांतीच्या निमित्ताने नाशिकमध्येही पतंगोत्सवाची धूम पाहायला मिळतेय. शहरातील इमारतींच्या गच्ची आणि टेरेसवर बच्चेकंपनीसह सर्वच पतंग उडवण्याचा आनंद लुटतांना पाहायला मिळताय. (Latest Nashik News In Marathi)

मात्र, काही अतिउत्साही तरुण आणि नागरिकांकडून टेरेसवर डीजेच्या दणदणाटात पतंग उडवण्याचे प्रकार सुरुय. तर काही जणांकडून बंदी असलेल्या नायलॉन मांजाचा वापर पतंग उडवण्यासाठी करण्यात येत असल्याचं समोर आलंय. (Nashik News Updates)

हे देखील पहा-

त्यामुळे नाशिक पोलिसांनी थेट इमारातींच्या गच्चीवर जाऊन धडक कारवाईला सुरुवात केलीय. सिडको परिसरात पोलिसांनी ही कारवाई केलीय. अंबड पोलीस ठाण्याच्या हद्दीतील इमारती आणि घरांच्या गच्चीवर पतंग उडवताना नायलॉन मांजाचा वापर करणाऱ्या तसंच जोरजोरात डीजे दणदणाटात पतंग उडवणाऱ्यांवर पोलिसांकडून कारवाई केली जातेय. तसंच नायलॉन मांजाही जप्त करण्यात येतोय.