अकोला - पत्नीच्या इच्छेविरुद्ध तीच्यावर बळजबरी करित अनैसर्गिक अत्याचार करणाऱ्या पतीविरुद्ध न्यायालयाने पोलिसांना गुन्हे दाखल करण्याचा आदेश केल्याने एकच खळबळ उडाली आहे. ही धक्कदायक घटना अकोल्यात घडली आहे. (Akola Crime News)
अकोल्यातील (Akola) खदान पोलीस स्टेशनच्या हद्दीतील एका डॉक्टरच्या पत्नीने, माझा पती मला दररोज मारहाण करतो. इतकेच नाही तर विरोध केल्यावर अश्लील शिवीगाळ करतो तसेच माझ्यावर बळजबरीने अनैसर्गिक कृत्य करतो, अशी तक्रार खदान पोलीस स्टेशनला देण्यात आली होती.
हे पती-पत्नीतील आपसी भांडण असल्याचे सांगत पोलिसांनी गुन्हा दाखल केला नाही. त्यानंतर सदर पिडित पत्नीने जिल्हा पोलीस अधीक्षक यांची भेट घेऊन त्यांना तक्रार दाखल करून दिली. पण सदर प्रकरणी परत पती-पत्नीतील आपसी वाद असल्याचे कारण सांगत तिला न्यायालयात जाण्याचे सांगण्यात आले.
याप्रकरणी आता सदर पिडिता पत्नीने न्यायालयात तक्रार दाखल केली. दरम्यान न्यायालयाने आरोपी पती विरुद्ध भांदवी कलम 377, 323, 294 नुसार गुन्हे दाखल करण्याचे आदेश दिले आहेत. गुन्हा दाखल केल्यानंतर आरोपी पतीचा शोध पोलीस घेत आहे. या प्रकरणाने वैद्यकीय क्षेत्रासह सर्वत्र खळबळ उडाली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
