MRI Machine Fraud: एमआरआय मशीन खरेदी प्रकरणी डॉक्टरची कोट्यावधी रुपयांची फसवणूक
MRI Machine Fraud, Puneदिलीप कांबळे

MRI Machine Fraud: एमआरआय मशीन खरेदी प्रकरणी डॉक्टरची कोट्यावधी रुपयांची फसवणूक

MRI Machine Fraud: मावळातील एका डॉक्टरची एमआरआय मशीन खरेदी प्रकरणी कोट्यावधी रुपयांची फसवणूक करण्यात आली असून कंपनी विरोधात तळेगाव पोलिसात गुन्हा दाखल करण्यात आला आहे.

मावळ: एमआरआय मशीन विकण्याच्या बहाण्याने मुंबईतील कंपनीच्या संचालकांनी तळेगाव दाभाडे येथील एका डॉक्टरची कोट्यावधी रुपयांची फसवणूक केल्याची घटना उघडकीस आली आहे. श्रीहरी डांगे असे त्या डॉक्टरचे (Doctor) नाव असून त्यांनी कंपनीच्या संचालकाच्या विरोधात तळेगाव पोलिस (Talegaon Police) ठाण्यात फसवणुकीचा (Fraud) गुन्हा (Crime) दाखल केला आहे. (Doctor in Pune cheated out of crores of rupees in MRI machine purchase case)

हे देखील पहा -

मावळमधील (Maval) तळेगाव दाभाडे येथे डॉ. श्रीहरी डांगे हे हॉस्पिटल चालवतात. त्यांनी एमआरआय (Magnetic Resonance Imaging) मशीन (Machine) विकत घेण्याचे ठरविले, त्यानुसार त्यांनी अनेक ठिकाणी याबाबत चौकशी केली. त्यानंतर मुंबईमधील मॅक्सीस हेल्थकेअर इमेजिंग इंडिया या कंपनीला २०१४ साली संपर्क केला. त्यानुसार कंपनीकडून त्यांना मशीनची सर्व माहिती आणि कोटेशन देण्यात आले. त्यानुसार डांगे यांनी एमआरआय मशीन (MRI Machine) घेण्याचे ठरविले. तसा व्यवहारही झाला. मात्र काही महिन्यांनंतर संबंधित कंपनी कडून डॉ. डांगे यांच्याकडून आगाऊ रकमेची मागणी करण्यात आली. त्यानुसार डांगे यांनी दोन कोटी चार लाख रुपये आगाऊ रक्कम त्यांना दिली. मात्र अनेक दिवस उलटूनही त्यांना मशीन मिळत नव्हती. त्यांनतर कंपनीकडून उडवा-उडवीची उत्तरे देण्यात आली. डॉ. डांगे यांना आपली फसवणूक झाल्याचे लक्षात येताच त्यांनी तळेगाव पोलीस ठाण्यात धाव घेतली. दरम्यान तत्कालीन तपास अधिकारी बाजीगरे यांनी कोणताही तपास न करता कोर्टाकडे क्लोजर रिपोर्ट सादर केला.

MRI Machine Fraud, Pune
Pune: ज्येष्ठ व्हायोलीन वादक पं.भालचंद्र देव यांचे निधन

पिंपरी-चिंचवड पोलीस आयुक्त कृष्ण प्रकाश यांच्याशी संपर्क साधत त्यांनी फेर तपास करण्याची मागणी केली. त्यानंतर आता पिंपरी-चिंचवड पोलीस आयुक्त कृष्ण प्रकाश यांनी पुन्हा तपास करून डॉ. श्रीहरी डांगे यांना न्याय दिला आहे. तर तळेगाव दाभाडे पोलिसांना एमआरआय मशीनच्या कोट्यावधी रुपयांच्या फसवणूक प्रकरणाचा फेरतपास करण्याचे आदेश दिले आहेत.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com