नवनीत तापडिया
औरंगाबाद - गेल्या काही दिवसांपासून औरंगाबाद (Aurangabad) शहरात खुनाच्या घटना वाढल्याचे चित्र पाहायला मिळत आहे. दिवाळीत एकामागून एक असे तीन खुनाच्या घटना समोर आल्या होत्या. त्यातच काल आता पुन्हा एकदा एकाचवेळी दोघांची हत्या करण्यात आल्याची घटना उघडकीस आली होती. या घटनेमुळे शहरात खळबळ उडाली होती. या प्रकरणात शहर पोलिसांनी (Police) तात्काळ घटनास्थळी धाव घेत प्रकरणाची चौकशी करायला सुरुवात केली. अखेर पोलिसांच्या या तपासला यश आले आहे. या घटनेतील आरोपीला पोलिसांनी काही तासांतच अटक केली आहे.
औरंगाबाद शहरातील वर्दळीच्या घाटी रुग्णालयासमोरील रस्त्यावर काल सकाळी दोन खून झाल्याची घटना उघडकीस आल्याने औरंगाबाद शहरात एकच खळबळ उडाली होती. यामध्ये एकाचा गळा आवळून तर दुसऱ्याचा डोक्यात दगड घालून खून करण्यात आला होता. याप्रकरणी पोलिसांनी तपासचक्र फिरवत घटनेनंतर अवघ्या काही तासांतच आरोपीला अटक केली आहे.
शेख वजीर शेख बशीर असे आरोपीचे नाव आहे. आपण संपविलेले दोन मित्र जिवंत आहेत की त्यांचा मृत्यू झाला हे बघायला आरोपी घटनास्थळी आला आणि पोलिसांच्या जाळ्यात सापडला. पोलिसांनी खाक्या दाखविताच त्याने गुन्ह्याची कबुली दिली.
सिडको आणि नारेगाव परिसरात दोन तरुणांची हत्या
काही दिवसापूर्वीच शहरातील सिडको आणि नारेगाव परिसरात दोन तरुणांची हत्या करण्यात आल्याची धक्कादायक घटना समोर आली होती. त्यानंतर आता शहरातील नेहमी वर्दळीचं ठिकाण असलेल्या घाटी रुग्णालय परिसरात दोन जणांचा मृतदेह आढळल्याने खळबळ उडाली होती. अखेर पोलिसांना या घटनेतील आरोपीला पकडण्यात यश आले आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
