Palghar : मद्यपी शिक्षकाची सरपंचाला मारहाण; काय आहे संपूर्ण प्रकरण?

मारहाण करणाऱ्या मुजोर शिक्षकावर काय कारवाई होते हे पाहणं महत्त्वाचं ठरणार आहे.
Palghar News
Palghar NewsSaam Tv

Palghar News - पालघर (Palghar) जिल्ह्यातून एक मोठी बातमी समोर येत आहे. एका मद्यपी शिक्षकाने सरपंचालाच बेदम मारहाण केल्याची घटना घडली आहे. जिल्हा परिषद शाळेच्या काही समस्या आहेत का हे विचारायला शाळेत गेलेल्या सरपंचालाच जिल्हा परिषदेच्या शिक्षकाने बेदम मारहाण केल्याची घटना समोर आली आहे. डहाणू तालुक्यातील धामणगाव आफठोल पाडा या जिल्हा परिषद शाळेत घडली आहे.

Palghar News
संतापजनक! पुण्यात सावत्र बापाकडून ११ वर्षीय अल्पवयीन मुलीचे लैंगिक शोषण; नराधमाविरोधात गुन्हा दाखल

जिल्ह्यातील अनेक शाळांमध्ये शिक्षणाची मोठी दुरावस्था झाली आहे. त्यातच शिक्षण विभागाचे याकडे लक्ष नसल्याने सरपंच दिनेश वरखंडे हे जाब विचारण्यासाठी जिल्हा परिषद शाळेत गेले होते. त्यावेळी हे संपूर्ण प्रकरण घडलं.

वसंत ठाकरे असं मद्यपी असलेला जिल्हा परिषदेच्या शिक्षकाचे नाव असून त्याने सरपंच दिनेश वरखंडे यांनी जाब विचारतात त्यांना नशेत असलेल्या शिक्षकाने कानसलित लगावली. त्यामुळे पालघर जिल्हा परिषदेच्या शिक्षण विभागाचा भोंगळ कारभार पुन्हा एकदा समोर आला आहे.

जिल्ह्यातील अनेक शाळांमध्ये शिक्षणाची मोठी दुरावस्था असून जिल्हा शिक्षण विभागाचा या बाबीकडे सातत्याने दुर्लक्ष करत असल्याने सामाजिक कार्यातून जाब विचारत जाणाऱ्या लोकप्रतिनिधींना मुजोर शिक्षकांकडून मारहाण होत असेल तर शिक्षण विभाग झोपेत आहे का असा सवाल येथे निर्माण झाला आहे. त्यामुळे आता शिक्षण विभागाला जाग येऊन मारहाण करणाऱ्या मुजोर शिक्षकावर काय कारवाई होते हे पाहणं महत्त्वाचं ठरणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com