'लोकांचा नाथ एकनाथ, अनाथांचा नाथ एकनाथ', शिंदे समर्थकांचे बॅनर झळकले

शिवसेनेचे नेते आणि नगरविकास मंत्री एकनाथ शिंदे यांनी महाराष्ट्रातील राजकारणात बंडाचं बीज पेरलं आहे
'लोकांचा नाथ एकनाथ, अनाथांचा नाथ एकनाथ', शिंदे समर्थकांचे बॅनर झळकले
Eknath Shinde bannersaam tv

मुंबई : शिवसेनेचे नेते आणि नगरविकास मंत्री एकनाथ शिंदे (Eknath Shinde) यांनी महाराष्ट्रातील राजकारणात बंडाचं बीज पेरलं आहे. शिंदे यांच्यासोबत जवळपास ४० आमदारांनी बंड पुकारल्यानं शिवसेनेत राजकीय मैदानात आरोप-प्रत्यारोपांचा धुरळा उडाला आहे. गेल्या दोन दिवसांपासून राजकीय समीकरणं बदलत असतानाच शिवसेनेतील बंडाचा पेच घट्ट होत आहे. तर दुसरीकडे ठाणे, कल्याण- डोंबिवलीतील एकनाथ शिंदे यांचे कट्टर समर्थक (Eknath Shinde banners) बॅनर झळकवत आहेत. ठाण्यासह कल्याण-डोंबिवलीत एकनाथ शिंदे यांना पाठींबा देण्यासाठी शिंदे समर्थकांनी बॅनरबाजी केलीय.

Eknath Shinde banner
सुरतेहून सुटका! एकनाथ शिंदेंसोबत असलेल्या आमदार नितीन देशमुख यांचा गुजरातमधला थरारक अनुभव

लोकांचा नाथ एकनाथ, अनाथांचा नाथ एकनाथ, अशा आशयाचे बॅनर शिंदे समर्थकांनी लावले आहेत. दिवंगत बाळासाहेब ठाकरे यांचे हिंदुत्ववादी विचार आत्मसात करणारे आणि धर्मवीर आनंद दिघे साहेबांची (Anand Dighe) शिकवण पुढे घेवून जाणारे एकनाथजी शिंदे साहेबांना मनापासून शुभेच्छा, असं या बॅनरमध्ये नमूद करण्यात आलं आहे. एकनाथ शिंदे यांच्या बंडाळी विरोधात शिवसेनेने आक्रमक पवित्रा घेतला आहे, तर दुसरीकडे शिंदे समर्थकांमध्ये भर पडत असल्याचे चित्र दिसून येतंय .कल्याण-डोंबिवलीत शिवसेनेचे वर्चस्व असून एकनाथ शिंदे यांना मानणारा मोठा वर्ग कल्याण डोंबिवलीत आहे.

Eknath Shinde banner
एकनाथ शिंदे यांचे पुन्हा ट्विट... या ४ महत्त्वाच्या मुद्द्यांमधून उद्धव ठाकरेंना नेमके काय सांगितलं?

एकनाथ शिंदे यांच्या बंडानंतर कल्याण-डोंबिवलीत शिवसेनेच्या गोटात शांतता असली, तरी आज शिंदे समर्थकांकडून डोंबिवली शहरात ठिकठिकाणी बॅनरबाजी करण्यात आली . कल्याणमध्ये देखील भगवे बॅनर लावण्यात आले आहेत .कल्याण पूर्वेतील शिवसेनेचे माजी नगरसेवक महेश गायकवाड यांनी कल्याण पूर्व परिसरात हे बॅनर लावले आहेत. या बॅनरच्या माध्यमातून महेश गायकवाड यांनी एकनाथ शिंदे यांना समर्थन दिलंय.त्यामुळे आता आमदारांपाठोपाठ पदाधिकारी व शिवसैनिक देखील शिंदे यांच्या समर्थनार्थ उतरल्याचे सध्या दिसून येतंय.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com