मुंबई: शिवसेनेला (ShivSena) आणखी एक धक्का बसण्याची शक्याता आहे. शिवसेनेचे ज्येष्ठ नेते एकनाथ शिंदे यांच्यासह ४० आमदारांच्या बंडानंतर आता शिवसेनेचे १२ खासदार शिंदे गटात सामील होणार असल्याचे बोलले जात आहे. शिवसेनेचे १८ पैकी १२ खासदार एकनाथ शिंदे यांच्या संपर्कात असून आज दिल्लीत पत्रकार परिषद घेऊन ते शिंदे गटात सामील होण्याची शक्यता असल्यीच माहिती सूत्रांनी दिली.
मुख्यमंत्री एकनाथ शिंदे यांचे पुत्र आणि खासदार श्रीकांत शिंदे यांच्यासह शिवसेनेच्या १२ खासदारांनी लोकसभा अध्यक्ष ओम बिर्ला यांची भेट घेऊन विनायक राऊत यांच्या जागी राहुल शेवाळे यांची सभागृहात पक्षनेतेपदी नियुक्ती करण्याची विनंती केली. १२ खासदार एकनाथ शिंदे यांच्याशी चर्चा करत असून आज रात्री मुंबईला रवाना होण्यापूर्वी ते पत्रकार परिषद घेऊन शिंदे गटात सामील होणार असल्याची माहिती देणार आहेत.
शिवसेनेचे ज्येष्ठ नेते एकनाथ शिंदे (Eknath Shinde) यांच्यासह ४० आमदारांनी बंड केले. त्यामुळे राज्यातील महाविकास आघाडी सरकार कोसळले. शिंदे गट आणि भाजप एकत्र येत सरकार स्थापन केले आहे. मुख्यमंत्रीपदाची एकनाथ शिंदे यांनी तर देवेंद्र फडणवीस यांनी उपमुख्यमंत्री पदाची शपथ घेतली. आता शिवसेनेचे (Shivsena) राज्यभरातील नेत्यांनी एकनाथ शिंदे गटाला पाठिंबा देण्यास सुरुवात केली आहे. आता शिवसेनेच्या १२ खासदारांनी मुख्यमंत्री एकनाथ शिंदे यांची दिल्लीत भेट घेतली. या भेटीचा फोटो सध्या सोशल मीडियावर व्हायरल झाला आहे.
शिवसेनेच्या (Shivsena) १२ खासदारांनी मुख्यमंत्री एकनाथ शिंदे यांची भेट घेतली, त्यामुळे आता या बारा खासदारांनी शिंदे गटाला पाठिंबा दिला असल्याच्या चर्चा सुरू झाल्या आहेत. तसेच हा खासदारांचा स्वतंत्र गट स्थापन केला जाणार असून, या संदर्भात लोकसभा अध्यक्षांना पत्र दिले जाणार असल्याची माहिती समोर आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.