ओपन स्पेसवर कॉन्व्हेंट स्कूलचे अतिक्रमण; स्थानिकांची महापालिकेकडे तक्रार

बडनेरा नवी वस्ती परिसरातील व्यंकटेश बालाजी नगरातील महापालिकेच्या ताब्यातील एका ओपन स्पेसवर परिसरातीलच एका कॉन्व्हेंट स्कूलने अतिक्रमण करण्याचा प्रयत्न केल्याची तक्रार परिसरातील नागरिकांनी महानगरपालिकेच्या सहआयुक्तांकडे लेखी निवेदनाद्वारे केली आहे.
ओपन स्पेसवर कॉन्व्हेंट स्कूलचे अतिक्रमण; स्थानिकांची महापालिकेकडे तक्रार
ओपन स्पेसवर कॉन्व्हेंट स्कूलचे अतिक्रमण; स्थानिकांची महापालिकेकडे तक्रारअरुण जोशी

बडनेरा: बडनेरा badnera नवी वस्ती परिसरातील व्यंकटेश बालाजी नगरातील vyankatesh balaji nagar महापालिकेच्या ताब्यातील एका ओपन स्पेसवर open space परिसरातीलच एका कॉन्व्हेंट स्कूलने convent school अतिक्रमण Encroachment करण्याचा प्रयत्न केल्याची तक्रार परिसरातील नागरिकांनी महानगरपालिकेच्या सहआयुक्तांकडे Municipal Joint Commissioner लेखी निवेदनाद्वारे केली आहे. नागरिकांनी मेहनत घेऊन सुशोभीकरण Beautification केलेल्या या ओपन स्पेसला खेळाचे मैदान म्हणून वापरून शाळेच्या संचालकांनी त्याची एैशीतैशी चालविल्याचा प्रकार स्थानिकांनी महापालिकेच्या लक्षात आणून दिला असून संबंधितांवर या प्रकरणी कारवाईची मागणी नागरिकांनी केली आहे.

हे देखील पहा -

बडनेरा परिसरात नव्याने वस्ती झालेल्या व्यंकटेश बालाजी नगरात महापालिकेच्या मालकीची एक ओपन स्पेस असून या ओपन स्पेसचा वापर परिसरातील नागरिकांना बगीचा म्हणून सर्वांना करता यावा यासाठी विविध प्रकारची झाडे लावून त्याचे सुशोभीकरण सामुहिक खर्चातून केले आहे. त्याच शेजारीच असलेल्या इग्नाईट माईंड्स या कॉन्व्हेंट स्कूलने Ignite Minds Convent School विद्यार्थ्यांच्या खेळाचे मैदान म्हणून जबरदस्तीने वापर सुरू केला आहे. विशेष म्हणजे सद्यस्थितीत शाळांना उघडण्याची परवानगी नसताना देखील या शाळेच्या संचालकांनी सदर ओपन स्पेसला नागरिकांनी लावलेले कुलुप जबरदस्तीने तोडून त्यावर अतिक्रमण करण्याचा प्रयत्न केला आहे. तसेच या ओपन स्पेसवर नागरिकांनी केलेले सुशोभीकरण यामुळे पूर्णपणे खराब झाले असल्याची तक्रार स्थानिक रहिवाश्यांनी महापालिकेच्या सहआयुक्तांकडे लेखी निवेदनातून केली आहे. नागरिकांनी सदर शाळेच्या संचालकांना याबाबत समजावण्याचा प्रयत्न केला असता नागरिकांनाच धमकावल्या जात असल्याचा भयानक प्रकार नागरिकांनी लेखी निवेदनातून मांडला आहे.

ओपन स्पेसचे कुलूप तोडून, नागरिकांना धमक्या देऊन ओपन स्पेसवर अतिक्रमण करणाऱ्या शाळा संचालकांवर कारवाई करण्याची मागणी नागरिकांनी केली आहे. सोबतच या शाळेकडे स्वत:चे मैदान नसताना या शाळेला परवानगी कशी देण्यात आली? असा सवाल देखील स्थानिकांनी विचारण्यास आता सुरूवात केली आहे. शाळा संचालकांविरूद्ध स्थानिक अशी लढाई सध्या सुरू झाली असून त्यात प्रशासन नेमके काय करणार याकडे स्थानिकांचे लक्ष लागले आहे.

ओपन स्पेसवर कॉन्व्हेंट स्कूलचे अतिक्रमण; स्थानिकांची महापालिकेकडे तक्रार
नारायण राणे यांच्यासह 'या' नेत्यालाही मिळणार केंद्रीय मंत्रिपद

उलटा चोर कोतवाल को डाटे

सदर प्रकरणी शाळेच्या संचालकांकडून पोलिस प्रशासनात अधिकारी असलेल्या एका मित्राच्या सहाय्याने स्थानिक नागरिकांनाच पोलिस ठाण्यात बोलावून त्यांची चौकशी चालवली आहे. पोलिसांना या प्रकरणी एका वरिष्ठ अधिकाऱ्याचा फोन आल्याची माहिती असून पोलिसांनी या प्रकरणात काही नागरिकांना बडनेरा पोलिस ठाण्यात बोलावून चौकशी केल्याची माहिती आहे. शाळा संचालकांकडून नागरिकांवर दबाव आणून सदर ओपन स्पेसचा वापर शाळेचे मैदान म्हणून वापरण्याचा प्रकार सुरू केल्याचे नागरिकांचे म्हणणे आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com