Nanded Crime: गुप्तधनासाठी शंकराची पिंड बाजूला सारत केलं उत्खनन; पोलिसांकडून चोरट्यांचा शोध सुरू

Nanded Secret Money News: महादेव मंदिरातील चक्क पिंड बाजूला सारुन पिंडी खाली दहा फुटांचा खड्डा खोदल्याचा प्रकार समोर आला आहे.
Nanded Secret Money News
Nanded Secret Money Newsसंतोष जोशी

नांदेड: जमिनीतले गुप्तधन (Secret Money) मिळवण्यासाठी लोक काय करतील याचा नेम नाही. गुप्तधनाच्या लालसेपोटी नांदेडमध्ये (Nanded) महादेव मंदिरातील चक्क पिंड बाजूला सारुन पिंडी खाली दहा फुटांचा खड्डा खोदल्याचा प्रकार समोर आला आहे. नायगाव तालुक्यातल्या कृष्णूर औद्योगिक वसाहतीत असलेल्या एका हेमाडपंथी महादेव मंदिरात हा प्रकार घडला आहे. या घटनेमुळे परिसरात खळबळ उडाली आहे. (Nanded News)

Nanded Secret Money News
Accident News | मुंबई-गोवा महामार्गावर भीषण अपघात; १४ जण जखमी

या घटनेची माहिती मिळताच कुंटूर पोलीस ठाण्याचे सहाय्यक पोलीस निरीक्षक महादेव पुरी हे आपल्या फौजफाट्यासह घटनास्थळी दाखल झाले. तपास करण्यासाठी श्वान पथकाला पाचरण करण्यात आले. औद्योगिक वसाहतीत एका औषध कंपनीच्या समोरच हे पुरातन महादेव मंदिर आहे. हे मंदिर अतिशय ज्वाजल्य असून या मंदिर परिसरात गुप्तधन आहे असं येथील काही जुन्या जाणकारांचे म्हणणे आहे. यानुसार चोरट्यांनी हे उत्खनन केलं असावं असा अंदाज आहे.

Nanded Secret Money News
Breaking News |पावसामुळे बाधित झालेल्यांना तातडीने मदत देण्याचे Cm शिंदेंचे निर्देश

दरम्यान कूंटूर पोलिसांना घटनास्थळावर काही उत्खनानाच्या काही वस्तू आढळल्याने त्यांनी त्यावरचे बोटाचे ठसे घेण्यासाठी फॉरेन्सिक टीमला पाचरण केलं आहे. गुप्तधनाच्या हव्यासापोटी एखाद्या श्रद्धेच्या ठिकाणी असा गैरव्यवहार करणे संतापजनक असल्याची भावना गावकऱ्यांनी व्यक्त केली. कुंटूर पोलीस सध्या पुढील तपास करत आहेत.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com