>> माधव सावरगावे
औरंगाबाद : ढाब्यावर जाऊन पार्टी करण्याचा विचार करत असाल तर सावधान. कारण ढाब्यावर दारू पिणाऱ्यांच्या हातात बेड्या आणि दंड बसतोय. औरंगाबाद पॅटर्नची सध्या राज्यभर चर्चा आहे. ढाब्यावर दारू आणि चकना घेऊन बसलेले आढळल्यास ढाबा चालकांसह मद्यपींना दंड भरावा लागेल. सध्या औरंगाबादमध्ये ढाब्यावर बसून आंनद लुटणाऱ्यांना जबर झटका बसतोय.
औरंगाबाद जिल्ह्यात मागील पाच महिन्यांपासून ढाब्यांवर सर्रासपणे दारू विक्री करण्यासह मद्य पिण्यास जागा उपलब्ध करून देणाऱ्यांवर कारवाई करण्यात येत आहे. औरंगाबादच्या उत्पादन शुल्क विभागाने अवैध दारूविक्रीसह पिण्यास जागा उपलब्ध करून देणाऱ्या ढाब्यांच्या विरोधात मोहिमच उघडली आहे. (Aurangabad News)
औरंगाबादेतील आतापर्यंतची कारवाई
या कारवाईचा औरंगाबाद पॅटर्न झालाय. आता त्याची राज्यभरात अंमलबजावणी होत आहे. औरंगाबाद शहर आणि जिल्ह्यातील तालुक्याच्या ठिकाणी कारवाईत 157 ढाब्यांच्या विरोधात गुन्हे नोंदवले आहेत. उत्पादन शुल्क विभागाने औरंगाबाद जिल्ह्यात अवैध मद्यविक्री व मद्यसेवन करणाऱ्या 638 जणांना अटक केली. त्यातील 121 जणांना न्यायालयाने दंड ठोठावला. 510 गुन्हे नोंदवण्यात आले आहेत. या कारवाईत 3 कोटी 4 लाख रुपयांचा मुद्देमाल जप्त केला. (Latest News)
ढाब्यांवर परवानगी नसताना मद्यविक्री आणि ग्राहक दारू पिऊन गोंधळ घालण्याच्या संख्या वाढल्या आहेत. त्यासोबतच गुन्हेगारीही अधिक वाढत चालली आहे. या कारवाईमुळे औरंगाबाद जिल्ह्यातील गुन्ह्यांवर आळा बसलाय. त्यामुळे ढाब्यावर पिताना दिसले की थेट कारवाई सुरू आहे.
विनापरवाना दारू विक्री, विनापरवाना दारू पिणे त्यामुळे गोंधळासोबत गंभीर गुन्हेगारीच्या घटना आता वाढत असल्याने कारवाई करणे, गरजेचे होते. आता सुरुवात औरंगाबादपासून झाली, हाच औरंगाबादचा पॅटर्न राज्यभर राबवला जात आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.