जालना - शहरात गर्भलिंगनिदान करून गर्भपात करणाऱ्या डॉक्टरचा पर्दाफाश करण्यात आला आहे. या घटनेनंतर डॉक्टर (Doctor) फरार झाला आहे. सतीश गवारे असं फरार झालेल्या डॉक्टरच नाव आहे. शहरातील ढवळेश्वर परीसरात राजुरेश्वर क्लिनिकमध्ये गर्भलिंगनिदान करून गर्भपात करण्यात येत असल्याची तक्रार पुण्यातून (Pune) जिल्हाधिकारी, जिल्हा शल्य चिकित्सक यांना प्राप्त झाली होती. त्यानुसार सापळा रचून जिल्हा शल्य चिकित्सक आणि पोलिसांनी एका गर्भवती महिलेला रुग्णालयात (Hospital) पाठवून ही कारवाई करण्यात आली.
हे देखील पाहा -
गर्भलिंगनिदान आणि गर्भपातासाठी 40 हजार रुपये घेत असल्याची माहिती या कारवाईतुन समोर आली आहे. या कारवाईनंतर डॉक्टर रुग्णालयात गर्भवती महिलांच्या तपासणीसाठी असलेली मशीन घेऊन फरार झाला आहे. रुग्णालयात छापा टाकल्यानंतर गर्भपाताच्या किट,औषधी,वेगवेगळ्या मशीन असे साहित्य पोलीस आणि आरोग्य विभागाच्या पथकाला आढळून आलं.
पोलिसांकडून हे साहित्य जप्त करण्यात आलं आहे. जिल्हा शल्य चिकित्सक डॉ. अर्चना भोसले यांच्या फिर्यादीवरून चंदन झिरा पोलीस ठाण्यात गर्भपात करणाऱ्या डॉक्टरासह 8 जणांविरुद्ध गुन्हा दाखल करण्यात आला आहे. पोलीस या प्रकरणी अधिक तपास करत आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.