यवतमाळच्या वणी शहरात सोन्याच्या दागिन्याला साफ करण्याचा बनाव करत दागिने लंपास करणारी टोळी सक्रिय झाली आहे. शहरातील नटराज चौक परिसरात वास्तव्यास असलेल्या व्यापाऱ्याच्या पत्नीला सोने चमकावून देतो असे म्हणत सात तोळ्यांच्या चार बांगड्या लंपास केल्याची घटना सीसीटीव्हीत कैद झाली आहे.
सध्या शहर व परिसरात भुरट्या चोरांनी चांगलाच धुमाकूळ घातला आहे. फसवणूक करणारे नवनवीन युक्त्या अवलंबत गृहिणींना टार्गेट करत आहे. वणीच्या नटराज चौक परिसरात वास्तव्यास असलेल्या एका व्यापाऱ्यांच्या घरी दोन भामटे सेल्समनच्या वेशात पोहचले. त्यावेळी व्यापाऱ्याची पत्नी व आई ह्या दोघीच घरी होत्या.
भामट्यांनी फरशी पुसण्याचे पावडर विक्री करीत असल्याची बतावणी केली. फरशी साफ करण्यासोबतच दागिनेही चमकावून देतो असे सांगितल्याने व्यापाऱ्याच्या पत्नीचा विश्वास बसला. तिने जुन्या असलेल्या चार सोन्याच्या बांगड्या त्या भमट्याला दिल्या.
त्यानंतर चोरट्याने एका डब्यात त्या बांगड्या टाकून गॅस शेगडीवर ठेवण्यास सांगितले. गृहिणीने डब्बा उघडून बघितलं असता त्या डब्ब्यातील बांगड्या गायब झाल्याचे लक्षात आले. परंतु तोपर्यंत दोन्ही भामटे पसार होण्यात यशस्वी झाले. ही सर्व घटना सीसीटीव्हीत कैद झाली आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.