नाशिक : हौसेला मोल नसतं अस म्हणतात,आणि त्यात जर हौशी शेतकरी असेल तर मग विचारूच नका. नाशकात (Nashik) या एका हौशी शेतकऱ्याची सद्या चांगलीच चर्चा रंगली आहे. तुम्ही म्हणाल अस काय झालं? अहो या पठ्ठ्याने अवघ्या 5 किलोमीटर वरून आपल्या जावयाला आणण्यास चक्क हेलिकॉप्टरच पाठवलं..!
हे देखील पहा :
नाशिकच्या ढकांबे येथील प्रगतिशील शेतकरी (Farmer) गोपीनाथ बोडके यांची एकुलती एक उच्चशिक्षित कन्या वैष्णवी हिचा पिंपळगाव बहुला येथील शांताराम नागरे यांचे चिरंजीव संकेत नागरे यांच्यासोबत गंगापूररोड येथील बालाजी लॉन्समध्ये नुकताच विवाह सोहळा (Marriage) पार पडला. हा विवाह सोहळा शाही पद्धतीने तर झालाच. मात्र, यात विशेष म्हणजे नवरदेवाला (Bridegroom) घेण्यासाठी चक्क हेलिकॉप्टर गेलं आणि मग काय नावरेव ही अवाक झाला. अचानक आपल्याला घेण्यासाठी आलेलं हेलिकॉप्टर बघून नवरदेवाचा आनंद गगनात मावेनासा झाला.
प्रत्येक बापाची इच्छा असते की, आपल्या मुलीचं लग्न दणक्यात झालं पाहिजे आणि हेच गोपीनाथ बोडके यांनी करून दाखवलं. यामुळे त्यांची लाडकी लेक वैष्णवी ही खूप आनंदी झाली. बर इतकंच नाही तर अंतर जवळ असल्याने हेलिकॉप्टर (Helicopter)10 किलोमीटर चा फेरफटका मारून आलं. त्यामुळे हौसेला मोल नाही हेच दिसतंय आणि मग काय आपली लेक आणि जावयाची पाठवणीही हेलिकॉप्टरनेच केली. त्यामुळे या अनोख्या विवाह सोहळ्याची सध्या परिसरातही जोरदार रंगलीय.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.