Maharashtra Politics: भाजप आमदार नारायण कुचेंवर गुन्हा दाखल करा; शिवसेना नेत्याचं थेट शिंदे-फडणवीसांना पत्र

MLA Narayan Kuche News: शिंदे-फडणवीस सरकारमध्ये मंत्रिपद मिळवून देण्याच्या बहाण्याने एका तोतयाने भाजप नेत्यांकडून कोट्यवधी रुपयांची मागणी केल्याचे प्रकरण समोर आले आहे.
MLA Narayan Kuche News
MLA Narayan Kuche NewsSaam TV

MLA Narayan Kuche News: शिंदे-फडणवीस सरकारमध्ये मंत्रिपद मिळवून देण्याच्या बहाण्याने एका तोतयाने भाजप नेत्यांकडून कोट्यवधी रुपयांची मागणी केल्याचे प्रकरण समोर आले आहे. यामुळे राजकीय वर्तुळात एकच खळबळ उडाली. याप्रकरणी पोलिसांनी नीरजसिंग राठोड नामक एका व्यक्तीला अटक केली. आरोपीने भाजपच्या चार आमदारांकडे कोट्यवधी रुपयांची मागणी केली होती.

यातील काही आमदारांनी आरोपीला पैसेही पाठवल्याची माहिती आहे. या प्रकरणानंतर भाजप आमदार नारायण कुचे यांनी माध्यमांशी आपण सुद्धा आरोपीला पैसे दिल्याची कबूली दिली. आमदार कुचे यांनी आरोपीला गुगल-पे आणि पेटीएमच्या माध्यमातून ५० हजार रुपये दिले असल्याचं सांगितलं. (Breaking Marathi News)

MLA Narayan Kuche News
Jalyukt Shivar Yojana: पावसाचा प्रत्येक थेंब वाचविण्यासाठी जलयुक्त शिवारच्या कामांना गती द्या; CM एकनाथ शिंदेंचे निर्देश

दरम्यान, नारायण कुचे यांच्या या कबुलीनंतर त्यांच्यावर गुन्हा दाखल करण्याची मागणी होत आहे. कुचे यांनी मंत्रिपदासाठी पैसे दिल्याचे मान्य केल्याने त्यांच्याविरुद्ध लाच देण्याचा गुन्हा दाखल करावा, तसंच त्यांच्या बँक खात्याची चौकशी करावी, अशी मागणी शिवसेना आमदार संतोष साबरे यांनी केली आहे.

संतोष साबरे यांनी याबाबत मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस यांना पत्र लिहलं आहे. आमदार नारायण कुचे यांनी मंत्रिपदाच्या लालसेपोटी आरोपी नीरज याला किती पैसे दिले? याची चौकशी व्हावी असंही साबरे यांनी पत्रात नमूद केलं आहे. त्यामुळे नारायण कुचे यांच्या अडचणीत वाढ होते का? हेच पाहणं महत्वाचं ठरणार आहे. (Maharashtra Political News)

MLA Narayan Kuche News
Cotton Market Price: शेतकऱ्यांसाठी गुड न्यूज! तुरीच्या दराने गाठला १० हजारांचा टप्पा; कापसाचा भावही वाढणार?

कोण आहे मंत्र्यांना फसवणारा नीरज राठोड?

नीरज टाइल्सच्या दुकानात काम करतो. तो तासंतास वाहिन्यांवरील राजकीय वृत्तांकन बघतो. इंटरनेटद्वारे त्याने अनेक आमदारांची माहिती व त्यांचे मोबाइल क्रमांक गोळा केले आहेत. याशिवाय जे. पी. नड्डा यांचा आवाज काढण्याचाही सराव केला आहे.

‘साहेबांशी बोला’ असे सांगून तो स्वत:च नड्डा यांचा आवाज काढून आमदारांशी बोलायचा. त्याने एका आमदाराला दिल्लीला बोलावून राज्य उत्पादन शुल्क विभाग देण्याचे आमिष दिले. त्या लालसेने या आमदाराने दिल्लीला जाण्याचीही तयारी केली होती, अशी माहिती विश्वसनीय सूत्रांनी दिली.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com