बीडच्या RTO कार्यालयात बोगस कर पावत्या, एजंटवर गुन्हा दाखल

गेल्या काही दिवसांपूर्वीच, आरटीओ अधिकाऱ्यांच्या बनावट स्वाक्षऱ्या करणाऱ्या पाच दलाल एजंटवर गुन्हा दाखल करण्यात आला होता.
बीडच्या RTO कार्यालयात बोगस कर पावत्या, एजंटवर गुन्हा दाखल
Beed Police Stationविनोद जिरे

बीड - आरटीओ कार्यालयात नेमकं चाललय काय ? असाच प्रश्न उपस्थित करणारा प्रकार बीडमध्ये पुन्हा एकदा समोर आला आहे. काही दिवसांपूर्वीच अधिकाऱ्यांच्या बोगस स्वाक्षऱ्या करणार रॅकेट बीड (Beed) आरटीओ (RTO) कार्यालयातील अधिकार्‍यांनी उघडकीस आणलं होतं. तर आता पुन्हा एकदा, बोगस कर पावत्या दाखल करणाऱ्या दलाल एजंटवर गुन्हा दाखल करण्यात आला आहे.

हे देखील पाहा -

आरटीओ कार्यालयातील वरिष्ठ लिपिक सुरेखा डेडवाल यांनी ग्रामीण पोलीस ठाण्यात दिलेल्या फिर्यादीत म्हटले आहे की , उपप्रादेशिक परिवहन अधिकारी स्वप्निल माने यांना, एमएच -43 डी -9535 व एमएच -43 बीजी -7089 प्रो.एस.जे.टूर्स अन्ड ट्रॅव्हल्स या वाहनांचे वाहनकर संगणकावर ऑनलाईन करुन देण्यासाठी दाखल केलेले अर्ज पाहून संशय आला. यामुळं सोबत जोडलेल्या वाहन कर पावत्या एमएच 23 आर -22010000016 , एमएच -22 011136245358 व एमएच -23 आर -21120000007 , एमएच - 21 120641785011 दाखवून सदर पावत्याचे संगणकीय ऑनलाईन सत्यता पडताळणी करण्याचे आदेशित केले होते. त्यामुळं सदर मोटारवाहन पावत्या तपासणी केल्या असता बनावट असल्याचे निदर्शनास आले.

Beed Police Station
श्रीलंकेत पुन्हा आणीबाणी; राष्ट्रपती गोटाबाया राजपक्षे यांची घोषणा

याप्रकरणी सदर अर्ज दाखल करणाऱ्या दलाल एजंट नदीम याच्यावर, बीड ग्रामीण पोलीस ठाण्यात कलम 420 , 461 , 468 , 471 , 511 भादवि नुसार गुन्हा दाखल करण्यात आला आहे. दरम्यान गेल्या काही दिवसांपूर्वीच, आरटीओ अधिकाऱ्यांच्या बनावट स्वाक्षऱ्या करणाऱ्या पाच दलाल एजंटवर गुन्हा दाखल करण्यात आला होता. तर आता पुन्हा एकदा, चक्क कर पावत्या बोगस दाखल करणाऱ्या एजंटवर गुन्हा दाखल करण्यात आल्यानं, बीडच्या आरटीओ कार्यालयात नेमकं चाललय काय ? असा प्रश्न विचारला जात आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.