Amravati News : गणेशाेत्सवाच्या धामधूमीत सराफ बाजारपेठेत लागली आग, Fire Brigade च्या 5 गाड्या दाखल

- अमर घटारे

Amravati News : अमरावती शहरातील सराफ बाजारात एका शोरूमला आज (साेमवार) सकाळच्या सुमारास आग लागली. या घटनेची माहिती कळताच स्थानिकांनी शाेरुमकडे धाव घेतली. यावेळी बघ्यांची देखील गर्दी झाली हाेती. (Maharashtra News)

अमरावती शहरातील सराफ बाजारातील त्रिमूर्ती सोन्या-चांदीच्या शोरूमला आग लागल्याची माहिती काहींनी अग्निशमन विभागास (fire brigade department amravati) दिली. त्यानंतर घटनास्थळी पाच अग्निशमन दलाच्या गाड्या दाखल झाल्या. गणेशाेत्सवाच्या धामधूमीत आग लागल्याने स्थानिकांनी शाेरुमकडे धाव घेतली हाेती.

या शोरूमच्या वरच्या मजल्यावर आग लागली हाेती. अग्निशमन विभागाच्या कर्मचा-यांनी आग आटोक्यात आणल्याने माेठे नुकसान टळले. ही आग शॉट सर्किटने लागल्याचा प्राथमिक अंदाज व्यक्त केला जात आहे. सुदैवाने या घटनेत जीवित हानी झालेले नाही. या आगीत लाखाेंचे नुकसान झाल्याची प्राथमिक माहिती प्राप्त झाली आहे.

Edited By : Siddharth Latkar